日本除咗 Zozotown 之外，Stripe Club 都係一個非常唔錯嘅選擇，如果你鍾意買 Earth Music & Ecology 同埋佢嘅姊妹品牌 E hyphen world gallery 的話，去呢個網就啱哂喇！因為真係成日都有做優惠，就連福袋都可以折上折添呀～有見會員們對呢個網站唔算熟悉，小編就出個 Stripe Club 教學俾大家，等大家可以買得更簡單更開心！
首先於網站上挑選心儀商品，揀啱就 Click 紅色制將貨件放入購物車。
畫面會自動跳入購物車，如果仲有嘢想買可以出返去繼續揀，如果已經揀好哂就可以 Check Out 喇！已經係會員就可以登入，未係會員就要 Click 黑色嗰個「新規會員登陸」。
然後輸入你嘅個人資料，登記成為會員。頭兩行可輸入你嘅姓氏以及名稱；第三、四行需要輸入片假名，唔識點打嘅話其實可以 Copy 返隔離嘅日文字～電話就輸入返我哋日文倉庫嘅電話，最後再入埋你嘅 E-mail 以及密碼就可以喇！早前有會員提出過註冊時顯示電郵地址有問題，而小編就以 Gmail 成功登記，如果遇上呢個問題可以試試以其他電郵地址註冊。
跟住就要輸入日本倉庫地址，亦係非常重要嘅一步！因為如果你入錯咗少少嘢都有機會導致收唔到件架！輸入咗郵便番號後下面幾項都會自動輸入，但呢個並唔係完整地址，記住要喺第四行嘅木野崎後面加返「2119-2」，亦要喺第五行填上 BS 字頭嘅 User ID，冇填到就唔知份件係邊個架喇！所以一定要小心！
呢一欄係輸入會員卡資料，大家留空就可以喇～
之後可以根據個人喜好選擇接收佢哋嘅推廣優惠電郵，咁就登記完成喇！
登記完成後於網站上登入，去返購物車一頁 Click 紅色制結算！
確認地址冇錯後就可以於支付方式一欄揀選第一項以信用卡支付，輸入埋信用卡資料就可以喇～
新會員仲可以有額外九折優惠，如果你想喺今次用埋的話就記得要拉到最底，揀選埋 「新規会員登録特典10%OFFクーポン」 先再 Click 右上邊嘅紅色制 Check Out！
就係咁簡單，大家就可以用最抵嘅價錢買到心水日貨！快啲話埋俾班姊妹知，等佢哋同你一齊網購啦～
Stripe Club 官網：https://goo.gl/CDbSc4