兄弟姐妹相親相愛？還是互相欺負？ 「無人權㗎做細佬」
對於兄弟姐妹來說，爭吵、打鬧、相親相愛、又再反目......是正常不過的事。
如果你有兄弟姐妹，你一定經歷過被欺負或欺負對方的童年。
而作為獨生子女，也必定想像過兄弟姐妹的美好，但現實真的如此嗎？
【點擊「全螢幕」觀看影片】
對有兄弟姐妹的人來說，
兄弟姐妹令人又愛又恨，
一時甜蜜溫馨相處得很融合，
一時又水火不容「面左左」。
但對於獨生子女來說，
兄弟姐妹則有種神秘感，
雖然不想多個人煩自己和分薄關懷，
但另一方面又幻想著有兄弟姐妹的美好。
《開罐Opener》訪問了20多位受訪者，
問問他們對兄弟姐妹的想法，
有的說和兄弟姐妹會親得一起談心，
有的就互不理睬，各有各的生活。
而沒有兄弟姐妹的人，
有些很慶幸沒有多個人添加麻煩，
但也有些很想要兄弟姐妹陪伴自己成長。
你又認同他們的想法嗎？
兄弟姐妹交惡事件簿
兄弟姐妹可以有幾癲？
做細的被欺負和做大的欺負人，
就似是不變定律。
大家又有甚麼經歷呢？
作為哥哥的Marco說，
「我試過除我細佬條褲，
佢企咗喺到唔知做咩，
我咪兜嘢除咗佢條褲囉。」
而弟弟顯仔則表示，
試過被哥哥「呃初吻」。
「因為我呀哥個陣想試初吻，
跟住佢叫我錫佢個咀囉喺嫲嫲張床，
用張被笠住我哋。」
顯仔還說曾試過被哥哥踢斷腳，
「細個喺屋企踢波囉，
跟住佢踢唔中個波，
踢左落我隻腳到呀！」
力度還大得令他骨折，
打了石膏一年。
雖然屢次受到哥哥傷害，
但他說仍然很愛哥哥，
甘願等哥哥「寵幸」。
「等佢心情好咪寵下我囉，
心情唔好就打入東宮㗎啦。」
男生之間的相處可能比較暴力，
那女生之間會怎樣呢？
最多妹妹或姐姐投訴的，
就是對方偷偷穿自己的衣服。
Lowell邊深呼吸邊激動地說，
「佢攞我啲衫著囉係，
仲要唔會問呀，
我見到件衫洗咗無得著先知。」
她說姐姐試過穿她的衣服去做運動，
弄得又霉又髒。
雖然兄弟姐妹之間常有小爭執，
例如有弟弟被姐姐用枕頭「焗」，
有姐姐又愛故意弄哭弟弟，
或者大家爭用這樣爭用那樣，
命令對方去做家務或買東西等等。
但大部分人都認同，
年紀愈大跟兄弟姐妹的關係愈親密。
例如開始不再那麼自私，
會坦承互訴心事，
甚至有一起共度難關。
「近排啦老豆走咗，
如果無呀哥家姐嘅話，
其實好多嘢自己都做唔嚟，
屋企嘅精神支柱、經濟支柱，
都係佢哋撐住。」
Christine說小時候會覺得做最小的好慘，
但長大後就很慶幸有哥哥姐姐，
在日常生活中可以依靠和互相扶持。
當然未必人人都與兄弟姐妹相親相愛，
總會有一些例外。
有妹妹的Ainsley說，
「有時候見到人哋相處得好好㗎喎，
兩姐妹好close，好似twins咁分唔開，
但我同佢應該已經分得好開啦。」
不知從何時起，
往時日日嬉戲打罵的兄弟姐妹，
突然變得相當陌生，
大家失去了共同話題，
各自有不同的生活方式，
雖然活在同一屋簷下，
但卻不再有交集和關懷。
【2017發洩專區】被當水泡、遇到禽獸隊友 「你哋下世做狗啦！」
既然相處得不和諧，
那換一個兄弟姐妹好嗎？
即使之前說了多少不滿，
去到這一步大家都齊齊搖頭，
「一出世就有佢哋，已經習慣咗個模式啦。」
「相處咗咁多年，點都有感情。」
「就算換走咗都可能同一個結果。」
「下世揀都想要返個妹。」
兄弟姐妹間的感情，
只有當事人才會懂。
在獨生的子女眼中，
有時候也很令人羨慕。
雖然有些人很享受作為獨生子女，
但也有些人很渴望有個這麼親密的家人，
跟自己年紀差不多而且可以陪自己成長。
所以各位兄弟姐妹，
可能在你眼中你的家庭成員「篤眼篤鼻」，
但在有些人眼中，
可以打罵、互相作弄大家也很令人羨慕。
朋友依啲野可能你絕交就依世唔見， 但你同兄弟姐妹鬧交咁返到屋企可能過一排就會無事， 你都會好愛你嘅兄弟姐妹。