陳倩揚巨肚隨時卸貨　第三胎首嘗性感孕照大騷女人味

常言道懷孕時嘅女人係最靚嘅，近年都有唔少準媽媽會影返輯靚相作留念。陳倩揚陀到第三胎，今個月就係囡囡預產期，倩揚亦終於停低手上工作正式待產，隨時迎接新生命降臨。呢日仲分享一輯孕婦寫真，倩揚趁機小露性感，女人味十足呀。

【一家五口】陳倩揚宣佈三度懷孕　陀B去北海道遇大風雪

呢輯孕婦寫真，倩揚搵來上一胎合作過嘅女攝影師操刀，雙方已經好有默契。加上對方係女性令倩揚倍感安心。今次拍攝咁啱兩個囝囝都返緊學，所以倩揚都趁機嘗試上兩胎未試過嘅性感造型。倩揚對拍出來充滿母愛的性感非常滿意，身邊朋友更笑倩揚懷孕時特別性感，三次懷孕照片，應該可以出一本寫真集。

【巨肚媽媽】陳倩揚挺8個月孕肚擺檔做善事 分享肥胎唔肥人秘訣

醫生表示孕期已過37週，加上胎兒已足磅，隨時生得，第三胎產程亦好大機會較快，所以叮囑倩揚要隨時準備迎接妹妹出世，一有動靜要立即趕到醫院。倩揚趁產前休息呢段時間落手落腳洗衫仔被仔：「因為今次肚形比較大，早兩個月朋友見到我真的以為隨時生得﹗但其實只係肚形比較大，妹妹嘅size都算標準，同兩個哥哥差唔多。好多朋友讚我狀態好好，加上未有手腳無腫， 所以仲有信心出吓活動，保持工作狀態。」巨肚即將消失，倩揚都不禁有失落同不捨，特別係母女倆為一體及胎動嘅感覺。