買家低市價40萬購綠楊2房　落完大訂　銀行話單位變銀主盤！

樓市有轉勢跡象，荃灣指標屋苑綠楊新邨最新發生一宗買家「執平貨」，在交付一成大訂﹙約68萬元﹚後，卻遇上單位突淪銀主盤的個案！

據市場消息稱，綠楊新邨P座低層，一個實用面積451呎的2房單位，近日由銀主開價680萬元放售。「銀主盤」屢見不鮮，惟出奇地，上址原來今年7月中，方以低於市價的680萬元售出，買賣雙方8月中簽署正式買賣合約，交易有待正式完成，但市場消息指，原業主承按的銀行星展銀行今日﹙8日﹚以第一債權人身份通知有關單位已成銀主盤！

代理︰原業主好急放盤

中原地產荃灣綠楊分行高級分區營業經理林經略﹙Nick﹚表示，有關單位非由該行代理，但原業主7月放售時也有到其分行放盤，林直言他「好急放售」，「個單位無咩裝修，佢﹙原業主﹚走來問市價幾多，我地話約莫720萬，佢答話700萬都肯放，我地已好努力幫佢搵客，點知大約一個星期後，單位就以680萬賣出！」

上址極速變銀主盤，入行多年的Nick笑稱「長見識」，「當時已感覺好奇怪，未見過業主咁急，通常客人知道市價係720萬，都會叫750萬，好少帶頭減價，﹙業主﹚一急通常都有問題！」

更多「01樓故」︰

【居屋市況】愉翠苑業主奇招揀客　睇樓要收1000蚊　唔憂賣因…… 

二手頻劈價！　里昂「贈興」料港樓跌15%　業主止賺定真腳軟？

3小時「摩出」千萬利潤　到拆售單車位　羅珠雄︰唔創新邊有機會

買家料可取回近70萬大訂

翻查資料，原業主似乎頗為「手緊」。上址於2004年向星展銀行承按至今，據土地註冊處有關文件，單位一直未見涉及其他債務或銀行貸款資料。但有關文件顯示，上址今年9月初遭法庭發出「押記令」，申請人為渣打銀行，而原業主亦收到傳訊令，涉及一間財務公司，意味原業主或涉及不少「街數」。

中原按揭經紀董事總經理王美鳳表示，銀主盤的出現，通常因為業主斷供，但甚少業主一斷供，銀行就收回其物業，須視乎各銀行對風險評估的態度，「斷供本身是一個信號，銀行一般會先聯絡業主了解情況，好多時都能從中知道一啲蜘絲馬跡，如果見到業主有其他更多的財政問題，咁就可能搶先一步，將單位收回拍賣。」

銀行得以「倖免於難」，買家又如何？有關單位買賣雙方雖然已簽署正式買賣合約，但據Nick了解，買家支付的約68萬元訂金﹙大訂﹚，仍託管在律師樓，應該可以取回。至於他能否就交易取消而索償，王美鳳則表示，目前未有太多資料去判斷，但原則上，買賣雙方已簽了合約，交易最終未能完成，基於合約精神，原業主須要賠償；假如業主提出證據，證明自己是逼不得已，就交易的「合理性」則可能存在爭議地方。