代運 Dos & Don’ts，網購意大利好輕鬆

Buyandship 又再埋「洲」，即係歐洲呀！有咗意大利轉運服務，大家可以喺各大歐洲網店瘋狂掃貨喇～不過落單前都記得要留意有咩注意事項，咁先買得安心又放心嘛～唔好唔記得註冊成為 Buyandship 會員即送你 $20 轉運費用俾你試用，已經係會員嘅亦可以將你嘅推薦朋友碼 send 俾你個 frd，齊齊賺 $30 運費，齊齊網購零距離，轉運意大利！

---

Dos

留意匯率

意大利屬歐盟成員，以歐羅作為主要貨幣，大部分網店都會標示歐羅（€），如果你見到間網店顯示其他幣值，咁就要睇睇網店所屬地區係咪歐盟以內喇，否則有機會買唔到架！

留意時差

想搶購限量版名牌包包？咁就梗係要留意時差啦，爭分奪秒架！意大利比香港慢 6 小時，假設網店喺當地時間凌晨 12 點推出新產品的話，你就要朝早 6 點鐘起身搶購！

留意意大利折扣季

當地大型折扣季主要為冬天 1月 5日前後開始，維持 2-3 個月，以及夏天 7月 5日前後起維持 2-3 個月。其他時間亦會有各式各樣嘅折扣日，睇實 Buyandship Facebook 專頁就可以睇到最新優惠情報啦！

善用 Google Translate

意大利網店大多都顯示意大利文，有部分亦可轉換為英文。如果冇的話就要靠 Google 大神喇，建議大家於意大利網店網購時可使用 Chrome 瀏覽器，即使網站冇英文版本亦可以用 Chrome 將整個網頁翻譯成中文或英文。

留意倉庫地址是否正確

輸入倉庫地址時需要留意網頁會否自動將地址更改為 「Via D Carabelli, 1 」，Buyandship 倉庫地址為「Via Carabelli, 1 」，係冇個「D」字架！記得記得要填寫正確嘅地址呀，唔係我哋就收唔到你件貨架喇！

留意稅項

就一般而言，於歐盟屬下國家嘅網店購物並且寄到意大利倉庫係唔需要繳交特別稅項，但如果有任何入口稅等款項產生的話，都必須要預先於網上支付，倉庫係唔會代繳任何款項架！

留意出庫時間

意大利轉運服務暫定為每週出庫一次並定於週五出庫，首次出庫日期為 5 月 31 日，想快啲收到戰利品就要夾好出庫時間網購喇！

Don’ts

選購禁運產品及超過尺寸限制

Buyandship 意大利轉運服務嘅禁運物品包括所有液體、化妝品以及含電池嘅產品，而尺寸限制為長闊高其中一邊不可超過 50CM、或長闊高三邊總和不可超過 100CM。如果超出以上任何一個限制的話，有機會需要付出額外費用、被倉庫拒收貨件、退件、無法寄出或按體積重收費。

購買到付產品

正如上面所填及，倉庫係唔會代繳任何款項，所有到付貨件都會一律拒收。想快啲收到心頭好的話就記緊要於網上繳付所有款項喇！

於需要填寫 VAT/Fiscal code 的網店購物

有部分網店會要求提供 VAT/Fiscal code 稅號先可以完成交易，而我哋倉庫係冇呢個資料可以提供，所以唔好喺呢類型網店選購喇～

漏填 User ID

填寫收件人資料時務必要再三確認是否有填上你嘅 User ID，呢個係我哋用作識別貨件嘅方法，所以真係非常重要架！一定一定一定要填呀！