警務處不時呼籲市民主動報案,透過警民合作齊齊打擊罪案。有熱心網民噚日使用警方嘅「電子報案室」提供罪案資料,收到警方嘅email回覆發現自己變咗「一哥」!原來警方電郵回覆網民時,本身「此致」後面應該寫上收信人嘅稱謂,但信中就寫「此致警務處處長」,變咗一哥回信畀自己,有網民留言形容係秘書災難。
其他報道:民調包尾? 梁振英:待知何人參選及政綱政策 參考價值更大
警務處嘅「電子報案室」係為咗處理非緊急報案或查詢而設,市民可以填寫網上報案表格提供資料畀警方。Emily都好耐無寫過實用文,翻查返教育局文件,原來「此致」係「以上這些內容要送達某某人」嘅意思,所以「此致」之後,要接著寫上收信人嘅姓名。
網民收到警方回信後大吃一驚,仲話:「你覆我話此致警務處處長,家陣我係警務處處長咩?」
另外,網民仲發現罪案資料表格中,罪案「詳情」變咗「詳請」,直言叫警方要學好啲中文。
Emily正向警方查詢相關事宜。
相關字詞﹕Emily Online 編輯推介