Gran periodista y propietario di Diario, Jossy Mansur a bay sosega

ORANJESTAD - Conforme e decreto nacional cu ta establece medidanan general di 29 di augustus 2023, y den cual ta stipula normanan tocante e derecho di asistencia logopedico, entrante 2 di september 2023 logopedia a keda concretisa den e cobertura di seguro AZV. Esaki ta un derecho tanto pa mucha como adulto. Logopedia ta e tratamento pa recupera, mehora of mantene e funcionamento di oido, bos of organonan di papia. Adicionalmente logopedia por yuda cu e halamento di rosea y ora tin problema pa come, bebe of guli.

ORANJESTAD – Diabierna dia 31 di mei ultimo WEB Aruba y e compania hulandes Bredenoord a firma pa un planta temporal di 20 MegaWatt di energia. Ta trata di un planta ‘mobile’ cual lo sirbi pa por cumpli cu aumento creciente di demanda pa coriente, pero tambe como back up na momento cu motornan RECIP mester haya nan mantencion obligatorio. E ceremonia a tuma lugar pabou di planta di WEB caminda lo instala e planta ‘mobile’. E planta ta encera un total di 18 container di 20 ft cu ta contene generadornan di 850 KW y motornan marca Cummins, cual lo bay den operacion pa un periodo di 2 aña. 

ORANJESTAD -  Na momento cu un persona bin den contacto cu e virus di Measles, e prome sintomanan normalmente ta cuminsa aparece entre 10 cu 14 dia despues di e contacto.

MIAMI – un di e cuater sistemanan tropical cu National Hurricane Center di Miami ta vigilando den Oceano Atlantico y Laman Caribe, ta cerca di Aruba. Aworaki pues tin cuater sistema tropical den oceano Atlantico cu ta wordo vigila aworaki pa National Hurricane Center di Miami. Esaki ta dos dia prome cu e temporada di horcan pa 2024 ms cuminsa. Un di e sistemanan ta cerca di e costa di Africa, uno ta cerca di islanan ABC, e di tres a caba yega e extremo zuidoost di Caribe, y e di cuater ta den Caribe occidental cerca di Honduras y e parti Noord oost di Nicaragua. 

ORANJESTAD – E aña aki, cu un temporada super activo di horcan pronostica, e director di Crisis Management Office (CMO) Rino Hermans a bisa cu lo tin cambio con pa raporta esaki. Entre nan, a splica cu prensa lo haya un trabou mas activo y como tal ta mas miho informa e biaha aki. Entre e cambionan, ta aloca un sitio exclusivamente pa prensa na e centro di CMO, unda cu prensa por haci su trabou ora cu ta necesario. Ta considera prensa como e aliado mas principal di CMO, ya cu nan tin e tarea oficial di suministra e informacion pa comunidad y esaki ta e miho forma di opera. 

ORANJESTAD – Durante e  temporada di horcan pa 2024, por lo menos 3 tormenta cu nomber por afecta Aruba, segun Rino Hermans, director di Crisis Management Office (CMO). No ta specifica si, si ta trata di tormenta of horcan, pero si cu e ta un ciclon cu nomber. Durante un conferencia di prensa diaranson pa anuncia plannan di e departamento pa e temporada, Hermans a splica Noticiacla cu, conforme e pronosticonan, tur cos ta mustra cu por lo menos tres di e tormentanan pronostica, ta pasa hopi cerca di Aruba, mas specifico, como 80 km panort di Aruba. Esaki ta traduci den hopi awacero mes, cu por causa inundacion na cierto partinan di e isla.