【神Deal】利迷有要求 紅軍CEO神回覆
20170624
東網電視
更多新聞短片
(Getty Images圖片)
利物浦早前以3,900萬鎊(約3.85億港元)收購羅馬中場穆罕默德沙拿，前線有人滿之患，亦有指領隊高普已經將注意力轉到防線。不過，利迷好似覺得一個沙拿唔夠皮，喺twitter向新上任冇耐嘅CEO彼德摩亞要求，球會收購埋多蒙特射手奧巴美揚。
呢位叫Grant嘅球迷話：「如果奧巴美揚真係傳聞話，6,300萬鎊(約6.25億港元)就買到而且又肯嚟，唔該買佢啦！你好快就會喺波衫錢賺番晒㗎喇！」
利記前線依家咁多人，加埋奧巴美揚真係會大塞車，而且佢都講過幾次，走都係去爺爺鍾意嘅皇家馬德里，所以利記就算真係出手，都未必得到呢位加蓬射手嘅心。
摩亞知道冇乜成事嘅可能性，就幽默地回番個球迷：「(買到佢的話)所有(波衫)收益都會去晒波衫印字上面...」Aubameyang(奧巴美揚英文名)成10個字，印起嚟又真係幾貴，呢個回覆咁搞笑，利迷實唔會怪你唔出手啦！
東網體育同你追實體壇每個精彩時刻！