Pet Pet聯萌：寵物避暑勝地　帶狗狗游水去

夏天咁曬咁熱，狗仔好容易會中暑，想愛寵玩得開心又健康，可以帶佢嚟到「室內狗公園」。平時想帶狗仔去游水，都要去到比較偏僻嘅地方，先會有狗仔專用的游泳池。不過原來近近哋喺荔枝角Five by 5就有一個小型游泳池，可以畀狗仔過吓冷河。第一次落水的狗狗難免會有些緊張，不過主人都唔需要太擔心，只要幫牠們着上救生衣，就可以提着狗仔落水，如有不適都可以第一時間扯牠們出來。

創辦人Gigi表示︰「其實大多數狗狗本身已經會游水，但是我們把牠放落水時，都會留意一下牠的腳仔，提一提牠的後腳，看牠後腳會否動。因為狗狗穿上了救生衣，知道自己會浮，就會懶得用力，我們會提牠雙腳要發力。當牠開始撥腿，就可以放手讓牠自己游。好似蝦餃這樣，就游得好好了，仲識得游回來。」代言犬蝦餃經過長時間的鍛煉，早已成為犬界泳壇健將，來回幾個圈當然冇難度。Gigi又提醒各位狗友，為了狗狗，泳池的衞生，落水前後都要先沖身，並且離開前要吹乾毛髮。

一般狗狗游了十幾分鐘，已經漸顯疲態，主人可以因應狗仔的狀況，把牠們帶出來。回到室內空間後，主人和狗狗就可以歎吓涼氣。場內設有一個色彩繽紛的波波池，分別設有人、狗使用的兩套波波，並且每日都會為所有波波進行清潔，以保持乾淨衞生。Gigi定期會轉換一下店內的布置，讓大家可以和自己的寵物瘋狂拍照，留下美好回憶，而今期就有架新車仔畀小朋友同毛孩遊車河。

她又分享自己創辦「室內狗公園」的理念是源於︰「其實我發現香港可以帶狗狗去的地方好少，在香港養狗，可能不能帶牠去沙灘，好多公園都唔入得。又或者去得的地方，都要擔心有牛蜱，或者其他昆蟲的問題。原來他們有這麼多憂慮，我就想開一個地方讓主人和狗狗可以無憂無慮，有一個健康，乾淨的環境去玩。」