Inscrición á xornada para a mellora da comercialización das empresas de turismo activo e surf
A Mancomunidade de Concellos da comarca de Ferrol, ao abeiro do convenio asinado coa Axencia Turismo de Galicia, para a promoción do xeodestino Ferrolterra – Rías altas organiza esta xornada de formación dirixida ao sector do turismo activo e o surf deste destino.
Celebrarase o vindeiro xoves, 7 de marzo, no Cámping de Valdoviño. Con esta ubicación preténdese, ademais, visualizar ás empresas que forman parte destes proxectos.
O programa do evento é o seguinte:
18:00-18:40 Normativa autonómica e oportunidades de financiamento no sector do turismo activo e do surf.
18:40-19:00 Oportunidades de organización sectorial do turismo activo e de surf.
19:00-20:45 Mellora da promoción e comercialización de produtos, destinos e experiencias a través de plataformas online. O caso de TripAdvisor.
20:45 Networking