【澳門直撃】黎燕珊今日盛裝出席澳門舉行的《華鼎獎》頒獎禮，性感在紅地氈上出現。黎燕珊表示：「好耐無試過咁性感了，因為今日負責頒獎，所以著得盛裝些，件衫已揀了成個月，仲為此做運動，而仔女今次都有一齊嚟。（仔女有否望過套衫？）都要照顧下他們的感受，他們覺得媽咪著得好高貴，與時並進。」
黎燕珊指囝囝過幾日便返英國，今次回來最開心知道她跟周柏豪及楊千嬅拍劇，「希望他下次返香港，帶他見見偶像柏豪及千嬅，而他自己都好喜歡唱歌。（會否入行？）已將入行壞處告訴他，不是人人可以似柏豪及千嬅那樣成功，有興趣又唔代表入行﹗」
