السلام عليكم احبتي
الكثير منا حابب مجال البرمجة وبيتسائل يعني برمجة
قبل ما تعرف يعني ايه برمجة لازم تعرف ما هو علم الحاسوب: وهو قدرة الآلة على تحليل أي مشكلة والخروج بحل (بمعنى)
نقوم بادخال( input مدخلات) ويتم معالجتها بالداخل ومن ثم اخراج لنا (output مخرجات) والمخرجات تعني حل للمشكلة التي قمنا بادخلها في البداية.
مع العلم ان الألة لا تفهم لغة البشر. حضرتكم هتقولولي طب ازاي فهمتني وايه هي لغة الألة هقولكم سؤال جميل
أولا: الألة لها لغة خاصة بيها وهي ( Binary Code الكود الثنائي 0 وال 1) هتقولولي ليه هقول لحضرتكم لأن ببساطة الكمبيوتر لا يتعرض إلا لحالتين الحالة الاولى موصل بالكهرباء والحالة التانية منقطع عنه الكهرباء.
حضرتكم هتسألوني سؤال ازاي الكمبيوتر لا يفهم سوا (0 و 1) وانا بقدر أخزن عليه صور وملفات وفديوهات.....إلخ تيجي ازاي هقولكم بسيطة أمثلهم في أرقام هتقولي ازاي وهم 0و1 بس .هقولكم انتم عباقرة وأسئلتكم رائعة خليكم معايا:
الكمبيوتر في الأساس مكون من مجموعة من الترانزستور يعني اي يعني دائرة كهربائية (مفتاح كهربائي) لو مفتوح يعني بيدخل كهرباء وبكدا القيمة ب (1) ولو مغلق يعني منقطع والقيمة ب (0) .
ال(0و1) عبارة عن وحدة اسمها Bit وال Byte مكونة من 8 Bit بقدر أعوضها برموز وارقام يعني مثلا
حرف N اللي ظاهر لحضرتك ده في لغة الألة بيساوي (01001110)
عارفين ده يساوي كام بنسبة لطريقة العد البشري يساوي 78
هتقولولي ازاي هجاوب بس الاول
دول كام(651) هل هتقول ستمائةوواحد وخمسون ولا هتقولي1+5+6=12 أكيد هتقولي الطريقة الاولى هقولكم كدا مشيتم نصف المشوار نحن نستخدم في لغة الالة طريقة شبه دي ولكن بدل ما بنستخدم خانة للأحاد وخانة للعشرات وخانة للمئات وهكذا بنستخدم طريقة شبيها لها وهي أوس 2 بمعنى بنضاعف الرقم مثال للتوضيح
1 1 1 1 1 1 1 1 الارقام دي مكتوبة بلغة الكمبيوتر
ولكن بلغة البشر بتساوي 255 ازاي كالأتي:
أول عمود قيمته = (1)
تاني عمود قيمته = (2)
ثالث عمود قيمته = (4)
رابع عمود قيمته = (8)
خامس عمود قيمته = (16)
سادس عمود قيمته =(32 )
سابع عمود قيمته =( 64 )
ثامن عمود قيمته = (128) المجموع 255 ونلاحظ ان كل مرة بنضاعف الرقم الذي قبله
وأي عمود قيمته هتبقى بصفر هنخلي قيمتها مثال للتوضيح
1 0 0 0 0 0 1 الكود ده هيساوي 65 اللي هو بالنسبة لنا حرف( A )هتقولي ازاي هقولك لغينا كل القيم اللي بصفر وأخدنا فقط العمود الاول اللي قمته ب(1) والعمود السابع اللي قمته ب(64) والمجموع الناتج (65) أي حرف ال(A)
عشان التوضيح اكتر تعالى ناخد حرف ال( B ) بيساوي 66 كيف نقوم بعمل ذلك بكل بساطة نختار فقط الاعمدة اللي تساويه وسيكون كالاتي
0 1 0 0 0 0 1 = (66 أي حرف ال B) فكل الاعمدة اللي بصفر لا نحسب قيمتها فقط نحسب قيمة الوحايد (1)في ثاني عمود قيمته ب2 وسابع عمود قيمته 64 المجموع 66 وهكذا في كل شئ عايزة اخزنه
لتمثيل رقم 10 على الكمبيوتر سيكون كالاتي
0 1 0 1 هتقولولي ازاي هقول لحضرتكم بسيطة العمود الاول بصفر اي لا يوجد تيار والعمود الثاني به تيار ب2 والثالث قيمته ب3 ولكن في وضع الانقطاع اما العمود الرابع متصل قيمته ب 8 المجموع =10
ونستنتج أن (0):يعني اقفل - خطأ - إلغي كل ده يندرج تحت (0)
اما (1) يعني صحيح - افتح - نفذ يندرج تحت (1)
بمعنى اخر افعل او لا تفعل (0 و 1)
أرجوا من الله سبحانه وتعالى أن هذا الكلام يفيدكم ولو بالقليل
