Mera naseeb hue talkhiyaan by Azhar Durrani (in Urdu)
-
غزل
میرا نصیب ہوئیں تلخیاں زمانے کی،
کسی نے خوب سزا دی ہے مسکرانے کی۔
میرے خدا مجھے طارق کا حوصلہ ہو عطا،
ضرورت آن پڑی کشتیاں جلانے کی۔
میں دیکھتا ہوں ہر اک سمت پنچھیوں کا ہجوم،
الٰہی خیر ہو صیاد کے گھرانے کی۔
قدم قدم پہ صلیبوں کے جال پھیلا دو،
کہ سرکشی کو تو عادت ہے سر اُٹھانے کی۔
شریکِ جرم نہ ہوتے تو مخبری کرتے،
ہمیں خبر ہے لٹیروں کے ہر ٹھکانے کی۔
ہزار ہاتھ گریباں تک آ گئے ازہر،
ابھی تو بات چلی بھی نہ تھی زمانے کی۔
مشکل الفاظ:
☆ تلخیاں --- کڑواہٹ، دشمنی، مخالفت۔
☆ طارق --- صبح کا ستارہ، سخت حادثہ، رات کو چلنے والا۔
☆ عطا --- پانا، دینا، کوئی چیز مل جانا۔
☆ ہجوم --- جھنڈ، گول، بھیڑ بھاڑ۔
☆ الٰہی --- خدا۔
☆ خیر --- بھلائی، اچھائی۔
☆ صیاد --- چڑی مار، شکاری۔
☆ صلیب --- سولی۔
☆ سرکشی --- بغاوت، بیوفائی، گھمنڈ۔
☆ شریکِ جرم --- جرم میں شریک۔
☆ مخبری --- جاسوسی۔
☆ گریباں --- گریبان۔
----------------
---------------------------------------------------------------------------------------
Comments
Post a Comment