【靚人靚景】粉紅戰士　澳洲性感變身

相信好多男士細個嘅時候除咗鍾意睇卡通片，亦會追看一系列幪面超人、鹹蛋超人，以及乜乜戰隊嘅特攝片。提到戰隊特攝片，小弟就最鍾意粉紅戰士喇，尤其對《快盜戰隊魯邦連者Vs警察戰隊巡邏連者》中嘅明神司紗情有獨鍾，而呢個角色係由奧山和紗飾演。

剛滿25歲嘅奧山和紗初出道時做模特兒，之後做過賽車女郎，近年就以演員身份活躍藝能界。最近和紗嚟個性感大變身，為雜誌拍咗唔少水着寫真，更推出寫真集《かずさ》。今次佢去到澳洲取景，喺當地優美海灘中展露凹凸有致嘅身段，而阿妹綺麗嘅氣質以及一對電力十足嘅明眸同樣迷人萬分，不論之前有冇睇過和紗演出粉紅戰士嘅朋友都一定大感驚喜！