"Gənclər Təşkilatları Dayanıqlı İnkişaf Məqsədləri Naminə" təlimləri
Əziz Balakən, Mingəçevir, Gəncə, Şəmkir və Şirvan gəncləri!
BMT tərəfindən elan olunan Dayanıqlı İnkişaf Məqsədləri sizin üçün maraqlıdırsa, bu təlimlər məhz sizin üçündür.
Təlimin mövzusu Gənclər təşkilatları nümayəndələrinin Dayanıqlı İnkişaf Məqsədləri haqqında bilik və bacarıqlarının artırılması və 9000 gənc arasında həyata keçirilmiş onlayn sorğu nəticələrinin təqdim edilməsidir.
Bildiyimiz kimi, BMT tərəfindən elan olunan Dayanıqlı İnkişaf Məqsədlərinə nail olmaq üçün gənclər təşkilatlarının rolu xüsusi əhəmiyyət kəsb edir. Bu mövzuda gənclərin müxtəlif yerli və beynəlxalq tədbirlərdə aktiv iştirakını təmin, həmçinin müxtəlif tədbirlər təşkil etmək NAYORA-nın əsas məsuliyyət və vəzifələrindən biri kimi hesab edilir.
Belə ki, 18 May 2019-cu il tarixində Azərbaycan Respublikası Gənclər Təşkilatları Milli Şurası (NAYORA) tərəfindən və Azərbaycan Respublikası Gənclər Fondunun maliyyə dəstəyi ilə 100-dən artıq gəncin iştirakı ilə "Gənclər Təşkilatları Dayanıqlı İnkişaf Məqsədləri naminə" konfransı böyük uğurla həyata keçirildi.
Konfransda:
Məqsəd 3: Yaxşı Səhiyyə və Rifah
Məqsəd 4: Keyfiyyətli Təhsil
Məqsəd 8: Layiqli Əmək və İqtisadi Artım
Yuxarıda qeyd olunan DİM-lər mövzusunda yerli və beynəlxalq mütəxəssislərlə interaktiv sessiyalar təşkil olunmuşdu.
Layihənin dayanıqlılığının təmin edilməsi üçün aşağıda sadalanan tarix və regionlarda NAYORA komandası təlimçilərlə birgə layihənin davamını gerçəkləşdiriləcək:
30 May Şirvan, 31 May Mingəçevir, 1 İyun Gəncə və Şəmkir, 2 İyun Balakən
Qeyd: Hər təlimdə 20 nəfər gəncin iştirakı nəzərdə tutulmuşdur.
Son müraciət tarixi: 28 May 2019-cu il.