Наманган вилоятида учинчи ва тўртинчи ипак қурти парвариш қилиш мавсуми ва соҳада қилинган ишлар ўрганилди

Аввал хабар берганимиздек бугунги кунда Республикамиз вилоятлари ва Қорақалпоғистон республикасида ипак қурти парвариш қилишнинг учинчи ва тўртинчи мавсуми давом этмоқда.

“Ўзбекипаксаноат“ уюшмаси томонидан ташкил қилинган гуруҳ бугун Наманган вилоятида учинчи ва тўртинчи ипак қурти парвариш қилиш мавсуми ва соҳада қилинаётган ишлар билан танишишни бошлади.

Вилоят бўйича учинчи ва тўртинчи мавсумда 4257 қути ипак қурти жонлантирилиб парвариш қилинди ва 178 тонна тирик пилла етиштирилди.

Вилоятда ипак қурти озуқа базаси - тут плантацияларини ривожлантириш, янги тутзорлар ташкил этишга катта эътибор қаратилмоқда.

Тут кўчатлари етиштириш бўйича хам ишлар олиб борилмоқда

Чортоқ туманида хозирги кунда 12 м. х 60 м. 2 та қуртхона, 4 та касаначилар томонидан ипак қурти парвариш қилиш учун замонавий қуртхоналар қурилган.

Туманда янги пиллани қабул қилиш маскани қуриб ишга тушурилди. Жорий йил бошидан ушбу масканда туманда етиштирилган пилла қабул қилинмоқда.

Янги ташкил қилинган пиллахонада касаначилардан ҳосилни қабул қилиш, лабаратория назоратидан ўтказиш, қуритиш ва вақтинча сақлаш учун барча шароитлар яратилган.

Касаначилар томонидан етиштирилган ҳосил учун пулнинг ўз вақтида берилиши пилла сифатига ҳам сезиларли таъсир кўрсатмоқда

Шу билан бирга вилоятда мавжуд тутзорларда агротехник ишлар ҳам олиб борилмоқда.

Тутзорлар яқинида янги қуртхоналар қуриш ишлари жадал олиб борилмоқда.