ფინანსთა სამინისტროს განმარტებით, საჯარო სექტორი, ვინც ვერ ისარგებლებს შეღავათით მოიცავს:
- ყველა სამინისტროს;
- სახელმწიფოს მიერ დაფუძნებულ საჯარო სამართლის იურიდიულ პირებს - სსიპ-ებს (მათ შორის საჯარო სკოლები, თეატრები, ანსამბლები და მუზეუმები) და არაკომერციულ (არამომგებიან) იურიდიულ პირებს - ა(ა)იპ; მუნიციპალურ სამსახურებს და მუნიციპალიტეტის მიერ დაფუძნებულ სსიპ-ებს და ა(ა)იპებს (მათ შორის საბავშვო ბაღები, ანსამბლები, სპორტული კლუბები და სხვა);
- სახელმწიფო და ავტონომიური რესპუბლიკის ნებისმიერ სამსახურებს;
- სახელმწიფო საწარმოებს, რაც მოიცავს - სახელმწიფოს, ავტონომიური რესპუბლიკის და მუნიციპალიტეტების მიერ დაფუძნებულ საწარმოებს, სადაც სახელმწიფოს, ავტონომიური რესპუბლიკის და მუნიციპალიტეტების წილი შეადგენს 50%-ზე მეტს. ასევე, ამ საწარმოების შვილობილ საწარმოებს, თუ მათი წილი შეადგენს 50%-ზე მეტს;
- ეროვნულ ბანკს;
- ეროვნულ მარეგულირებელ ორგანოებს.
კერძო კომპანიებს თუ წარსულში ხელზე 600 ლარის ხელფასის გასაცემად, თანამშრომლისთვის 750 ლარის გადარიცხვა უწევდათ, ამჟამად 0 ლარის საშემოსავლო გადასახადით დაიბეგრებიან და იგივე 600 ლარის ხელფასის გასაცემად მხოლოდ 600 ლარი დასჭირდებათ. 1500 ლარამდე მოცულობის ხელფასებში კი პირველი 750 ლარი საშემოსავლო გადასახადიგან გათავისუფლდება. მიღებული 150-ლარიანი ეკონომიით დამსაქმებლები დასაქმებულთა ხელფასზე მიმართავენ თუ არა, ეს თავად დამსაქმებლებსა და დასაქმებულებს შორის მოლაპარაკების საგანია.