- ကျောက်ဖြူမြို့နယ်တွင် ဒေသခံတစ်ဦး မိုင်းနင်းမိ၍ ပြင်းထန်ဒဏ်ရာရ
- စစ်ကောင်စီထိန်းချုပ်ရာ စစ်တွေမြို့တွင် အခြေခံစားကုန်များ ပြတ်လပ်လာ
- စစ်ကောင်စီ လေကြောင်းပစ်ခတ်မှုကြောင့် ၁၉ ရက်အတွင်း အရပ်သား ၂၃ ဦးသေဆုံး
- စစ်တွေတွင် ဝမ်းပျက်ဝမ်းလျှောရောဂါဖြစ်၍ မွတ်ဆလင် ၈၀ ဦးထက်မနည်း သေဆုံး
- လူမျိုးရေးပဋိပက္ခဖြစ်အောင် စစ်ကောင်စီ သွေးထိုးလှုံ့ဆော်နေကြောင်း မွတ်ဆလင်များပြော
မတရားအသင်းပုဒ်မဖြင့် တရားစွဲဆိုခံရသူ (၁၃)ဦးကို စွဲချက်တင်သင့်၊မသင့် အမိန့်ချတော့မည်
AA နှင့်ဆက်စပ်သည်ဟုဆိုကာ မတရားအသင်းဆက်သွယ်မှုပုဒ်မ ၁၇(၁)(၂)ဖြင့် (၁၀)လကျော်ကြာအမှုရင်ဆိုင်နေရသူ (၁၃)ဦးကို လာမည့် ဇန်နဝါရီလ ၂၄ ရက်တွင် စွဲချက်တင်သင့်၊ မတင်သင့် စစ်တွေခရိုင်တရားရုံးက အမိန့်ချမှတ်မည်ဟု ရှေ့နေ ဦးထွန်းလှက ပြောသည်။
22 Jan 2020
အောင်ထိန် | DMG
ဇန်နဝါရီ ၂၂၊ စစ်တွေ
AA နှင့်ဆက်စပ်သည်ဟုဆိုကာ မတရားအသင်းဆက်သွယ်မှုပုဒ်မ ၁၇(၁)(၂)ဖြင့် (၁၀)လကျော်ကြာအမှုရင်ဆိုင်နေရသူ (၁၃)ဦးကို လာမည့် ဇန်နဝါရီလ ၂၄ ရက်တွင် စွဲချက်တင်သင့်၊ မတင်သင့် စစ်တွေခရိုင်တရားရုံးက အမိန့်ချမှတ်မည်ဟု ရှေ့နေ ဦးထွန်းလှက ပြောသည်။
ယင်းအမှုမှာ တရားလိုပြသက်သေ (၁၇)ဦးကို စစ်ဆေးပြီးနောက် ယမန်နေ့ ဇန်နဝါရီလ ၂၁ ရက်နေ့က နှစ်ဖက် ရှေ့နေများ အပြန်အလှန် လျှောက်လဲချက်ပေးခဲ့ကြသည်။
“တရားလို လိုပြသက်သေတွေရဲ့ထွက်ဆိုချက်က စွပ်စွဲထားတဲ့ပုဒ်မတွေနဲ့ မညီဘူးပေါ့နော်။ အဲဒါကြောင့် စွဲချက်မတင်သင့်ဘူးဆိုပြီးတော့ လျှောက်လဲချက်ပေးခဲ့ပါတယ်” ဟု အမှုကိုလိုက်ပါဆောင်ရွက်ပေးနေသည့် ရှေ့နေ ဦးထွန်းလှက ဆက်ပြောသည်။
ပြီးခဲ့သည့်နှစ် ဧပြီလအတွင်းက ရှင်းလက်ဝရွာသား (၂၁)ဦးမှာ ကျောက်တော်မြို့နေအိမ်တစ်ခုတွင် တည်းခိုနေစဉ် အိမ်ပိုင်ရှင်များနှင့်အတူ ဖမ်းဆီးခံခဲ့ရသည်။ ယင်းအနက် (၁၀)ဦးကို လွှတ်ပေးခဲ့ကာ အိမ်ပိုင်ရှင်ဇနီးမောင်နှံနှစ်ဦး အပါအဝင် (၁၃)ဦးကို ဖမ်းဆီးတရားစွဲဆိုခဲ့ခြင်းဖြစ်သည်။
၎င်းတို့ကို AA နှင့်ဆက်သွယ်မှု၊ ရိက္ခာထောက်ပံ့မှု စသည့်စွပ်စွဲချက်များဖြင့် ကျောက်တော်အခြေစိုက် ခမရ ၃၇၅ တပ်ရင်းမှ ဗိုလ်မှူး နိုင်အောင်ဖြိုးက တရားလိုပြုတရားစွဲဆိုခဲ့ခြင်းဖြစ်သည်။