Black Friday 2020 即將來臨，又係瘋狂購物同大出血嘅時候！喺正式掃貨之前，你必要知道 6 件事，最基本當然是 Thanksgiving、Black Friday 和 Cyber Monday 日子及開賣時間，還有開設帳戶、了解付款方式和預先格價等，立即重溫一下 Black Friday 嘅事先準備攻略！
美國人非常重視「感恩節」Thanksgiving 呢個節日，就好似澳門人過農曆新年一樣咁普世歡騰，而緊隨其後嘅兩日 Black Friday 同 Cyber Monday 更係會令全球 Shopping 精等足一年嘅大日子。一連串大劈價，平時企硬嘅定價都有機會以低至 3 折甚至更抵嘅價錢發售，真係全世界都捕住全年最抵嘅呢一日嚟掃筍貨㗎！
以為淨係可以網購美國產品？錯喇，其實全球網店包括英國、日本、澳洲、意大利、加拿大等地都會跟住做 Black Friday 優惠，只要好好把握呢幾日，買齊咁多個國家嘅優惠商品就絕對無難度！用 Buyandship 仲可以將呢幾個國家嘅貨件合併集運，夠哂方便！
想喺當日更順利搶貨？除咗要準備足夠「彈藥」之外，當然仲要熟讀我哋準備嘅呢篇 Black Friday 必讀攻略，確保大家搶貨時快、狠、準，極速以更抵價搶購到心頭好。
Black Friday 必讀攻略
1. 鎖定 Thanksgiving / Black Friday / Cyber Monday 日子
．Thanksgiving － 美國時間 2020 年 11 月 26 日（星期四）
-
每年 11 月第 4 個星期四都定為 Thanksgiving（感恩節），而今年就係美國時間 11 月 26 日。大部份嘅網店包括時裝飾品、鞋類、嬰幼兒產品、玩具、個人護理、運動或戶外用品、電子產品等等都有抵 deal 折扣，絕對係 Black Friday 嘅前哨戰。唔少網店都會喺 Thanksgiving 前幾日已經開始 Pre-Sale，驚去到 Black Friday 當日唔夠人快手，又或者驚產品斷碼嘅朋友仔都可以喺呢段期間搶先網購！
．Black Friday － 美國時間 2020 年 11 月 27 日（星期五）
-
今年嘅 Black Friday 喺美國時間 11 月 27 日正式展開，即係全年最抵嘅一日！半價？3 折？唔止啊！各大網店喺當日會推出「One Day Deal」或「24 Hours Flash Sale」等限時優惠，有機會用 1 折價錢就買到心頭好，咁抵 deal 嘅日子，網購迷萬勿錯過。
．Cyber Monday － 美國時間 2020 年 11 月 30 日（星期一）
-
Cyber Monday 將會喺美國時間 11 月 30 日開始，主要優惠產品類別係各大電子產品，例如電腦、手機、數碼相機、音響、遊戲設備等。當然唔少其他類別產品例如時裝或家品等嘅 Black Friday 優惠到 Cyber Monday 都仲未完，仲未買夠嘅你可以繼續搏殺。
2. 留意開賣時間
美國東岸西岸相差 3 個鐘，而大部份網店多數跟從西岸時間開始折扣。今年 Black Friday 會喺美國時間 11 月 27 日零時零分開始，即係澳門時間 11 月 27 日下午 4 點。（但當然唔少 discounts 會預早開始㗎喇！）而英國、日本、澳洲、意大利、加拿大等地部份網店都會喺當地時間 11月 27 日做 Black Friday 優惠。
3. 準備購物清單及預先開設網店帳戶
相信唔少朋友平時都睇開網店，對於自己想搶購邊啲 items 都非常清楚。咁就啱喇，就由呢一刻開始預先準備好購物清單，將產品 bookmark 或加入網站 wish list，因為喺 Black Friday 呢個全年最抵嘅日子，絕對係手快有手慢無，慢幾秒都只可以飲恨望住件筍貨流走呀。當日只要優惠價一推出就直接將產品加入購物車，checkout 時就可以更快人一步啦。
想再快啲？梗係預先開設定網店會員帳戶，填好 Buyandship 海外倉庫地址，咁就萬無一失喇。
登入取得海外倉庫地址：https://bit.ly/3esLU6c
4. 了解付款方式及準備多張有效信用卡
部份海外網店唔接受海外信用卡，只接受以 Paypal 作為付款方式。為避免有 cut 單情況而錯失折扣優惠，可預先申請 Paypal Account 有兩手準備。同時，記得預先申請多張有效信用卡，建議使用曾經於外國網站購物成功嘅信用卡，以及加大簽帳額。
5. 於多個網站格價
有睇開我哋優惠資訊嘅朋友，都知道產品唔一定要喺官網買。就好似買波鞋嘅話，除咗可以去官網睇之外，其實唔少大型熱門波鞋網店例如 Stock X、Eastbay、Footlocker 等網店都有出售，折扣更比官網優惠更抵添。
6. 選定 Buyandship 為你的指定轉運公司
部份美國網站都無提供直送澳門嘅服務，就好似 Walmart 等網店都唔會送貨到海外，只限寄美國本土。所以預先開設 Buyandship 帳戶，拎定海外倉庫地址就可以喺 Black Friday 時無後顧之憂咁血併，減少揀好心頭好先發現未能送澳門嘅煩惱！
延伸閱讀：
👉 Black Friday 2020 網購集運攻略！轉運貼士助你成功平買＋更快到手
👉 Black Friday 2020 最強網購攻略（內附人氣優惠及勁減網店）
