२८.१२°C काठमाडौं
वैदेशिक रोजगार कसुरमा फरार तामाङ पक्राउ
काठमाडौँ — प्रहरीको केन्द्रीय अनुसन्धान ब्यूरोले वैदेशिक रोजगार कसुर मुद्दामा फरार अजय तामाङलाई पक्राउ गरेको छ ।
भक्तपुर सूर्यविनायक नगरपालिका–७ घर भई काठमाडौं महानगरपालिका–२६ रानीबारीमा बस्ने ३७ वर्षीय तामाङलाई ब्यूराेले शुक्रबार पक्राउ गरेको हो ।
तामाङलाई भक्तपुर जिल्ला अदालतमार्फत कारागार कार्यालय डिल्लीबजार पठाएको ब्यूरोले आइतबार विज्ञप्तिमार्फत जनाएको छ ।
वैदेशिक रोजगार कसुरका तीन मुद्दामा वैदेशिक रोजगार न्यायधिकरणले ०७५ मंसिर २४ गते तामाङलाई ४ लाख ५० हजार जरिवाना र ४ वर्ष ६ महिना कैद सजाय हुने फैसला गरेको थियो । फैसलापछि फरार तामाङलाई ब्यूरोले पक्राउ गरेर भक्तपुर जिल्ला अदालत मार्फत कारागार कार्यालय डिल्लीबजार पठाएको हो ।
तामाङले आकर्षक वैदेशिक रोजगारमा जापान पठाइदिने भन्दै पैसा लिएको तर भने बमोजिम वैदेशिक रोजगारमा नपठाएको भन्दै उजुरी परेको थियो ।
