របាយការណ៍របស់ក្រសួងបរិស្ថានបង្ហាញថា ការគ្របដណ្តប់ព្រៃឈើនៅកម្ពុជាមានចំនួន ៤៦,៨៦ ភាគរយ ឬប្រមាណ ៨,៥ លានហិកតានៃផ្ទៃដីរបស់ប្រទេស។
លោក នេត្រ ភក្ត្រា រដ្ឋលេខាធិការក្រសួងបានមានប្រសាសន៍នៅក្នុងសន្និសីទសារព័ត៌មានដែលរៀបចំដោយអង្គភាពអ្នកនាំពាក្យរាជរដ្ឋាភិបាលនៅព្រឹកម្សិលមិញថា ក្នុងចំណោមគម្របព្រៃឈើសរុបប្រមាណ ៧,៣ លានហិកតា ស្មើនឹង ៤១ ភាគរយនៃផ្ទៃដីរបស់កម្ពុជា គឺជាតំបន់ការពារ និងជាច្រករបៀងជីវចម្រុះ។
លោកបានគូសបញ្ជាក់ថា ព្រះរាជាណាចក្រកម្ពុជាមានតំបន់ការពារ និងច្រករបៀងជីវៈចម្រុះចំនួន ៧៦ ដែលក្នុងនោះប្រហែល ១០០ ទីតាំងជាតំបន់ទេសចរណ៍ធម្មជាតិ។
លោកបានមានប្រសាសន៍ថា “ការគ្រប់គ្រងធនធានធម្មជាតិ និងការអភិរក្សជីវៈចម្រុះ ការលើកកម្ពស់កម្រិតជីវភាពប្រជាជនមូលដ្ឋាន ប្រសិទ្ធភាពលើកកម្ពស់ការអប់រំ និងពាក្យស្លោកបំផុសគំនិត “កម្ពុជា មាតុភូមិខ្ញុំ” បានប្រែក្លាយវិស័យបរិស្ថានទៅជា “ខ្សែក្រវាត់បៃតង” និងទេសចរណ៍សហគមន៍”៕ AKP- ជា វណ្ណៈ