@ जागतिक महिला दिन @
World Women's Day
8 मार्च
🙏 जागतिक महिला दिनाच्या सर्व महिला / भगिनींना हार्दिक शुभेच्छा !!!
✴️संपूर्ण अमेरिका आणि युरोपसहित जवळजवळ जगभरच्या स्त्रियांना विसाव्या शतकाच्या सुरुवातीपर्यंत मतदानाचा हक्क नाकारलेला होता. पुरुषप्रधान व्यवस्थेतील स्त्री-पुरुष विषमतेचे हे एक ढळढळीत उदाहरण. या अन्यायाविरुद्ध स्त्रिया आपापल्या परीने संघर्ष करीत होत्या. १८९० मध्ये अमेरिकेत मतदानाच्या हक्कासंदर्भात `द नॅशनल अमेरिकन सफ्रेजिस्ट असोसिएशन' स्थापन झाली. परंतु ही असोसिएशनसुद्धा वर्णद्वेषी आणि स्थलांतरितांविषयी पूर्वग्रह असणारी होती. दक्षिणेकडील देशांना काळया मतदात्यांपासून आणि उत्तर व पूर्वेकडील देशांना तेथील बहुसंख्य देशांतरित मतदात्यांपासून वाचवण्याकरता स्त्रियांना मतदानाच्या हक्क मिळायलाच हवा, अशा प्रकारचे आवाहन ती करत होती. अर्थात या मर्यादित हक्कांना बहुसंख्य काळया वर्णाच्या आणि देशांतरित कामगार स्त्रियांनी जोरदार विरोध केला आणि क्रांतिकारी मार्क्सवाद्यांनी केलेल्या सार्वत्रिक प्रौढ मतदानाच्या हक्कांच्या मागणीला पाठिंबा दिला. १९०७ साली स्टुटगार्ड येथे पहिली आंतरराष्ट्रीय समाजवादी महिला परिषद भरली.
त्यामध्ये क्लारा झेटकिन या अतिशय लढाऊ बाण्याच्या, झुंजार कम्युनिस्ट कार्यकर्तीने `सार्वत्रिक मतदानाचा हक्क मिळवण्यासाठी संघर्ष करणे हे समाजवादी स्त्रियांचे कर्तव्य आहे.' अशी घोषणा केली. ८ मार्च १९०८ रोजी न्यूयॉर्कमध्ये वस्त्रोद्योगातील हजारो स्त्री-कामगारांनी रुटगर्स चौकात जमून प्रचंड मोठी ऐतिहासिक निदर्शने केली. दहा तासांचा दिवस आणि कामाच्या जागी सुरक्षितता ह्या मागण्या केल्या. या दोन मागण्यांबरोबरच लिंग, वर्ण, मालमत्ता आणि शैक्षणिक पार्श्वभूमीनिरपेक्ष सर्व प्रौढ स्त्री-पुरुषांना मतदानाचा हक्क मिळावा अशी मागणीही जोरकसपणे केली. अमेरिकन कामगार स्त्रियांच्या या व्यापक कृतीने क्लारा झेटकिन अतिशय प्रभावित झाली. १९१० साली कोपनहेगन येथे भरलेल्या दुसऱ्या आंतरराष्ट्नीय समाजवादी महिला परिषदेत, ८ मार्च १९०८ रोजी अमेरिकेतील स्त्री-कामगारांनी केलेल्या ऐतिहासिक कामगिरीच्या स्मरणार्थ, ८ मार्च हा `जागतिक महिला-दिन' म्हणून स्वीकारावा असा जो ठराव क्लाराने मांडला, तो पास झाला. यानंतर युरोप, अमेरिका वगैरे देशात सार्वत्रिक मतदानाच्या हक्कासाठी मोहिमा उघडल्या गेल्या. त्यांचा परिणाम म्हणून १९१८ साली इंग्लंडमध्ये व १९१९ साली अमेरिकेत या मागण्यांना यश मिळाले.
भारतात मुंबई येथे पहिला ८ मार्च हा महिला दिवस १९४३ साली साजरा झाला. १९७१ सालच्या ८ मार्चला पुण्यात एक मोठा मोर्चा काढण्यात आला होता. पुढे १९७५ हे वर्ष युनोने `जागतिक महिला वर्ष' म्हणून जाहीर केले. त्यानंतर स्त्रियांच्या समस्या ठळकपणे समाजासमोर येत गेल्या. स्त्रियांच्या संघटनांना बळकटी आली. स्त्रिया `बोलत्या' व्हायला लागल्या. बदलत्या सामाजिक, आर्थिक, राजकीय, सांस्कृतिक परिस्थितीनुसार काही प्रश्नांचे स्वरूप बदलत गेले तशा स्त्री संघटनांच्या मागण्याही बदलत गेल्या. आता बँका, कार्यालयांमधूनही ८ मार्च साजरा व्हायला लागला आहे.
@ थोर कर्तृत्ववान भारतीय महिला @
@ भारतातील थोर व प्रसिद्ध महिलांची माहिती जाणून घेण्यासाठी त्यांच्या नावावर क्लिक करा.
( सदर माहिती विकिपीडिया वरून संकलित केलेली आहे. ) ....
सौजन्य - विकिपीडिया
✴️ भारतातील प्रथम महिला -
१ दिल्लीच्या तख्तावरील पहिली मुस्लिम राज्यकर्ती - रझिया सुलताना ( १२३६ )
२ भारतीय राष्ट्रीय सभेच्या पहिल्या महिला अध्यक्षा - ॲनी बेझंट ( १९१७ कलकत्ता अधिवेशन)
३ युनोच्या आमसभेचे अध्यक्ष पद भूषविणारी पहिली भारतीय महिला - विजयालक्ष्मी पंडित ( १९५३ )
४ पहिली महिला राज्यपाल - सरोजिनी नायडू
५ भारताची परदेशातील पहिली महिला राजदूत - सी. बी़ मुथाम्मा
६ केंद्रीय कॅबिनेट मंत्री पद भूषविणारे पहिली महिला - राजकुमारी अमृत कौर
७ भारताच्या रशियातील पहिल्या महिला राजदूत - विजयालक्ष्मी पंडित
८ पहिल्या महिला परराष्ट्रमंत्रीरी- सुषमा स्वराज (२०१४)
९ उच्च न्यायालयात नेमणूक होणाऱ्या पहिल्या महिला न्यायाधीश ॲनी चंडी ( ६ फेब्रुवारी १९५९)
१० भारतातील पहिल्या महिला पंतप्रधान इंदिरा गांधी
११ भारतातील पहिल्या महिला मुख्यमंत्री सुचेता कृपलानी (१९६२ – ६७, उत्तर प्रदेश)
१२ भारतीय राष्ट्रीय सभेच्या पहिल्या भारतीय (महिला) अध्यक्षा सरोजिनी नायडू ( १९२५ )
१३ लढाऊ विमानाच्या पहिल्या महिला वैमानिक अवनी चतुर्वेदी, भावना कंठ, मोहना सिंह
१४ एव्हरेस्ट शिखर सर करणारी भारतातील (जगातील) अपंग महिला अरुनिमा सिन्हा
१५ इंग्लिश खाडी पोहून जाणारी पहिली महिला आरती साहा (गुप्ता)
१६ पहिल्या महिला मुख्य निवडणूक आयुक्त व्ही एस रामादेवी
१७ मोनोरेल चालविणारी पहिली महिला जुईली भंडारे
१८ उच्च न्यायालयाचे मुख्य न्यायाधीश पद भूषविणारी पहिली महिला न्या. लैला शेठ (हिमाचल प्रदेश- 1991)
१९ भारतीय वंशाची पहिली महिला अंतराळवीर कल्पना चावला (१९९७)
२० पहिल्या महिला आयएएस अधिकारी अन्ना राजन जॉर्ज
२१ एव्हरेस्टवर पाऊल ठेवणारी पहिली भारतीय महिला प्रा. बचेंद्री पाल
२२ सर्वोच्च न्यायालयाच्या पहिल्या महिला न्यायाधीश न्या. मीरासाहिब फातिमाबिबी (१९८९)
२३ पहिल्या महिला आयपीएस अधिकारी किरण बेदी (१९७२)
२४ नोबेल पारितोषिकाच्या पहिल्या महिला मानकरी Pahili Mahila मदर तेरेसा (१९७९)
२५ भारताच्या पहिल्या महिला केंद्रीय माहिती आयुक्त दीपक संधू
२६ भारतीय राष्ट्रीय सभेच्या पहिल्या भारतीय अध्यक्षा सरोजिनी नायडू(1925)
२७ पहिली महिला राष्ट्रपती श्रीमती. प्रतिभाताई पाटील
@ महिला दिन विशेष @
0 Comments