Mark Zuckerberg: पाहुणा घरी येणार! मार्क झुकरबर्ग होणार बाबा, पत्नीसोबत शेअर केला फोटो

Mark Zuckerberg: फेसबुकचे सह-संस्थापक आणि मेटाचे सीईओ मार्क झुकरबर्ग (Mark Zuckerberg) यांनी नवीन वर्षाच्या निमित्ताने त्यांची पत्नी प्रिसिला चॅनसोबतचा (Priscilla Chan) एक फोटो सोशल मीडियावर शेअर केला. 2023 हे वर्ष या जोडप्यासाठी अधिक खास आहे, कारण ते यावर्षी त्यांच्या तिसऱ्या बाळाचे स्वागत करणार आहेत.

मार्क झुकरबर्ग (Mark Zuckerberg) यांनी इंस्टाग्रामवर गर्भवती पत्नी आणि मुलीचा फोटो शेअर केला आहे. हे फोटो शेअर करताना त्याने कॅप्शनमध्ये लिहिलं आहे की, ''Happy New Year! 2023 मध्ये येणारे सर्व ऍडव्हेंचर आणि प्रेम येथे आहे.'' फोटोमध्ये झुकरबर्ग यांनी काळा रंगाचा सूट परिधान केलेला आहे. फोटोत झुकरबर्ग (Mark Zuckerberg) आणि त्यांची पत्नी खूपच आनंदी दिसत आहेत. ते दोघेही फोटोमध्ये हसताना दिसत आहेत. दुसऱ्या फोटोमध्ये झुकरबर्ग यांनी आपल्या मुलीसोबतचा एक क्षण पोस्ट केला आहे. 

झुकरबर्ग सप्टेंबर 2022 मध्ये त्यांची पत्नी प्रिस्किला चॅन (Priscilla Chan) गरोदर असल्याची माहिती दिली होती. यावेळी त्यांनी एक पोस्ट शेअर करत लिहिलं होत की, , "खूप प्रेम. पुढील वर्षी मॅक्स आणि ऑगस्टला नवीन बहिण मिळणार आहे, हे सांगताना मला आनंद होत आहे ".

 

 

 

 

 

View this post on Instagram

 

 

 

 

 

 

 

 

 

 

 

A post shared by Mark Zuckerberg (@zuck)

या जोडप्याचं 2012 मध्ये लग्न झालं असून त्यांना आधीच दोन मुली आहेत. डिसेंबर 2015 मध्ये झुकरबर्ग यांनी त्यांची पहिली मुलगी मॅक्सिमा चॅन (Priscilla Chan) झुकरबर्ग (Mark Zuckerberg)हिच्या जन्माची माहिती दिली होती. ऑगस्ट 2017 मध्ये या जोडप्याने त्यांच्या दुसऱ्या मुलीचे स्वागत केले. त्यांनी तिचे नाव ‘ऑगस्ट’ ठेवले आहे.

दरम्यान, चॅन (Priscilla Chan) ही झुकेरबर्ग (Mark Zuckerberg) यांची कॉलेजपासून प्रेयसी आहे. चॅनने हार्वर्ड विद्यापीठातून पदवी घेतल्यानंतर कॅलिफोर्निया विद्यापीठात वैद्यकशास्त्राचा अभ्यास केला आहे. 2003 मध्ये हार्वर्ड युनिव्हर्सिटी फ्रेट पार्टीमध्ये भेटल्यानंतर या जोडप्याने डेटिंग करण्यास सुरुवात केली. या जोडप्याने 19 मे 2012 रोजी लग्न केलं. गेल्या वर्षी त्यांनी त्यांच्या लग्नाचा 10 वा वाढदिवस साजरा केला.