រោងចក្រកាត់ដេរដែលមានតម្លៃ ៣.៥លានដុល្លារ នឹងត្រូវសាងសង់នៅភូមិបុស្សតានៃ ឃុំកាហែង ស្រុកសំរោងទង ខេត្តកំពង់ស្ពឺ ដោយបង្កើតការងារប្រមាណ ៧០០កន្លែង ដល់ប្រជាពលរដ្ឋក្នុងមូលដ្ឋាន។
គម្រោងដែលបានអនុម័តថ្មីនេះត្រូវបានប្រកាសដោយក្រុមប្រឹក្សាអភិវឌ្ឍន៍កម្ពុជា (CDC) នៅក្នុងសេចក្តីប្រកាសព័ត៌មានដែលបានចេញផ្សាយកាលពីម្សិលមិញ។
ប្រភពដដែលបានបន្ថែមថា គម្រោងរោងចក្រកាត់ដេរនេះ វិនិយោគដោយក្រុមហ៊ុន HAO JIA LI (CAMBODIA) GARMENT CO., LTD ។
ការវិនិយោគបែបនេះបង្ហាញពីទំនុកចិត្តរបស់អ្នកវិនិយោគលើម៉ាក្រូសេដ្ឋកិច្ច នយោបាយ និងស្ថិរភាពសង្គមរបស់កម្ពុជា ខណៈដែលប្រទេសកំពុងងើបឡើងវិញពីជំងឺរាតត្បាតកូវីដ-១៩។ AKP-C.Nika