【職場文化】打工仔大呻唔食煙冇煙Break唔公平！有日本公司竟然咁樣做⋯

2022-08-29

一個職場上，總有些同事是吸煙的同事，除了有時會發出令人難以忍受的臭味，這一點比較令人不滿之外，他們還有不成文的規定，就是「煙break」可以名正言順去休息！相信不少非吸煙的打工仔都會覺得有點不滿吧？而自己只是稍為離開座位去散散步提神，都會被上司問長問短，但卻不會質問吸煙的同事，這樣公平嗎？

延伸閱讀：【行業辛酸】畢業生想入行做記者唔係讀新聞出身得唔得？網民：做咩咁睇唔開…

有網民正正就是感到極不公平，所以在討論區Dcard上以「唔食煙冇煙Break都幾唔公平」發文分享，指自己面對過的不公平經驗：「諗起以前返過一間打邊爐，嗰度入面嘅員工十有八九都食煙。基本上返工成日都會喺個對講記到聽到：『XX，我去後樓梯食枝煙，你幫我睇住先』佢哋食支煙要5分鐘，一晚食4至5次，有一次，有個新仔（唔食煙）可能返到太攰，去後樓梯坐陣唞唞，點知撞正經理去後樓梯食煙，即刻被鬧：『唔食煙嚟做乜嘢，出去做嘢啦！』」

如果上司讓那新同事稍作休息，都不會令大家不忿，可是他這一舉動，實在太不公平了吧？不少網民都因此而感到憤怒，可是又可以怎樣應對呢？

即睇網民回應：（按圖了解）

+10

網民：「係咪之前日本有間公司話冇吸煙員工放有薪假，彌補佢哋咁耐以嚟冇煙break嘅損失，我覺得依個方法幾好！」

網民：「你可以去廁所補返數。」

網民：「通常自製屎break，屎break冇話一定去廁所，畀自己休息吓，太攰出去轉個圈都好過繼續做。主要係畀自己心情放鬆一下，身心舒服啲。」

網民：「點着枝煙，吹幾口氣落自己度，有人問起就答：『我唔食煙㗎，只不過想上返去有啲煙味』」

網民：「之前公司啲人每次至少食10分鐘。」

網民：「平時返工成個廚房嘅人都係輪流去食煙，有時會得返自己一個做嘢，慣了。」

網民：「唔去佢哋食煙嗰度break咪得。」

網民：「好唔鍾意食煙嘅人。」

網民：「我會去斟個水，順便郁吓個人！」

網民：「求其扮落樓下搵人都得啦！」

網民：「你可以去廁所補返數。」

網民：「之前返工，啲senior成日去廁所坐。」

網民：「連唞吓都唔畀，就真係幾唔公平喎！」

冇吸煙員工可以放有薪假？
「煙break」就如「攞正牌偷懶」一樣，令不少非煙民員工感到不滿，不過有網民笑說，其實可以自製「廁所break」來休息，但有網民卻指，吸煙同事有煙break又有廁所break，仍是不太公平……而有網民指出，早前媒體有報道過日本一間公司Piala，竟認真看待這個問題！

他們為免對不吸煙的同事造成不公平，所以新增了一項「不吸煙假」的福利！這項福利只向非吸煙員工發放，他們可享有額外的6日有薪假期！而這間公司統計過，吸煙員工每日每次放煙break大約用上20分鐘，一星期加起來就會離開工作崗位100分鐘，減低工作效率。

因此，除了令員工之間感到更公平外，同時為大家的健康着想並鼓勵戒煙，於是就推出了有薪不吸煙假的措施。

（資料參考：Health Concept）

延伸閱讀：【行業辛酸】畢業生想入行做記者唔係讀新聞出身得唔得？網民：做咩咁睇唔開…

+12

+11