យោងតាមការប៉ាន់ប្រមាណថ្មីៗនេះ តម្រូវការផលិតផលធ្វើដំណើរដែលកើនឡើង ជំរុញឲ្យមានការលូតលាស់សេដ្ឋកិច្ចជាតិនៅក្នុងឧស្សាហកម្មនេះ ។
តាមរបាយការណ៍សង្ខេបទំនិញកាត់ដេរសម្លៀកបំពាក់ និងធ្វើដំណើរ (GFT) ដែលបានចេញផ្សាយរួមគ្នាដោយសភាពាណិជ្ជកម្មអឺរ៉ុប (EuroCham) និងសមាគមវាយនភណ្ឌ សំលៀកបំពាក់ ស្បែកជើង និងទំនិញធ្វើដំណើរនៅកម្ពុជា (TAFTAC) បញ្ជាក់ថា ការនាំចេញ៨០ភាគរយនៃការនាំចេញផលិតផលធ្វើដំណើរទៅកាន់សហរដ្ឋអាមេរិកក្នុងឆ្នាំ២០២១ ប្រៀបធៀបឆ្នាំ
២០១២ គឺមានចំនួន ២០ភាគរយ។
យោងតាមចំនួននេះគឺស្មើនឹងអត្រាលូតលាស់ជាធម្យម ១០២ភាគរយក្នុងមួយឆ្នាំនៃការនាំចេញទៅអាមេរិកក្នុងអំឡុងឆ្នាំ ២០១៧ ទៅ ២០២១ ក្នុងនោះត្រឹម៦ភាគរយនៃការនាំចេញផលិតផលធ្វើដំណើរត្រូវបានកំណត់សម្រាប់សហគមន៍អឺរ៉ុបក្នុងឆ្នាំ ២០២១ ជាមួយនោះ ១៤ភាគរយនាំចេញទៅទីផ្សារផ្សេងទៀត។
យោងតាមអគ្គនាយកដ្ឋានគយនិងរដ្ឋាករកម្ពុជា ក្នុងឆ្នាំ ២០២១ ការនាំចេញផលិតផលធ្វើដំណើរកើនឡើង ១៥ភាគរយ ខណៈការនាំចេញតែឯងកើនឡើង ៥៥ភាគរយ ។
មានការលើកឡើងថា ដោយសារចំណែកនៃការនាំចេញ TG របស់កម្ពុជាទៅកាន់សហភាពអឺរ៉ុបមាន កម្រិតទាប ការដកផ្នែកខ្លះប្រព័ន្ធអនុគ្រោះពន្ធEBA របស់សហភាពអឺរ៉ុបក្នុងឆ្នាំ 2020 មានផលប៉ះពាល់តិចតួចដល់វិស័យ TGនៅកម្ពុជា។
យ៉ាងណាក៏ដោយ ការដកផ្នែកខ្លះ EBA បានធ្លាក់ចុះនៃការចែករំលែកផលិតផលTG នៅកម្ពុជាកំណត់សម្រាប់EU។ ជាមួយនឹងការលើកលែងពន្ធទំនិញចំនួន ៥ ដែលរងផលប៉ះពាល់ដោយការដកផ្នែកខ្លះ EU បានកំណត់ការនាំចេញTG ១២ភាគរយក្នុងឆ្នាំ ២០១៩។
ការលូតលាស់វិស័យផលិតផលធ្វើដំណើរបានធ្វើឲ្យមានការពង្រីកក្រុមហ៊ុនផលិតផលធ្វើដំណើរ ក៏ដូចជាចំនួនការងារកើនឡើងផងដែរ។ ខណៈក្នុងឆ្នាំ ២០១៩ កម្មករ ចំនួន ៤៦,២០៧ ធ្វើការក្នុងរោងចក្រ៩១ ហើយក្នុងឆ្នាំ ២០២១ មានចំនួន ៨៤,៦៨៦ ក្នុងរោងចក្រ ១២១។
យ៉ាងណាក៏ដោយមានសញ្ញានៃការធ្លាក់ចុះចំនួនរោងចក្រផលិតផលិតផលធ្វើដំណើរចំនួន ១១៤ ក្នុងឆ្នាំ ២០២២ ចំនួនពលកម្មធ្វើការកើនឡើង ៩៨, ២៨២ នាក់។
រោងចក្រផលិតផលិតផលធ្វើដំណើរមានកើនឡើង ខណៈការនាំចេញ និង ពលកម្មកើនឡើង ។ ប្រាក់ចំណូល ប្រចាំឆ្នាំនៃវិស័យទំនិញធ្វើដំណើរកើនឡើង ១៣០លាន ដុល្លារក្នុងឆ្នាំ ២០១៩ ដល់ ២៨៥លានដុល្លារក្នុង ឆ្នាំ ២០២១។
ការពង្រីកកម្មវិធីអនុគ្រោះពាណិជ្ជកម្មរបស់សហរដ្ឋអាមេរិក ប្រព័ន្ធអនុគ្រោះទូទៅ (GSP) ក្នុងឆ្នាំ ២០១៦គឺជាការចួលរួមចំណែកធំក្នុងការអភិវឌ្ឍវិស័យផលិតផលធ្វើដំណើរនៅកម្ពុជា គឺកើនឡោះង ០,០២ ភាគរយលើទីផ្សារសាកលក្នុងឆ្នាំ ២០១២ ទៅ ១,៦ភាគរយក្នុងឆ្នាំ ២០២១។
ទោះបីជាការអនុគ្រោះទាំងនេះអាចនាំឱ្យមានកំណើនសេដ្ឋកិច្ចរយៈពេលខ្លី និងមធ្យមក៏ដោយ ពួកគេក៏ទុកឲ្យវិស័យ GFT របស់កម្ពុជាងាយរងគ្រោះនឹងទទួលការប៉ះពាល់។
ថ្លែងប្រាប់ខ្មែរថាមស៍ កាលពីពេលថ្មីៗនេះ សេដ្ឋវិទូជាន់ខ្ពស់ លោក គី សេរីវឌ្ឍន៍ អគ្គនាយកវិទ្យាស្ថានសិក្សាចិន នៃរាជបណ្ឌិត្យសភាកម្ពុជាក៏បានបង្ហាញពីអារម្មណ៍ទាំងនេះដែលនិយាយថានេះជាការធ្វើពិពិធកម្មទីផ្សារនាំចេញ និងផលិតផលទាំងនោះគឺកូនសោរសំខាន់សម្រាប់កម្ពុជាក្នុងការប្រកួតប្រជែងទីផ្សារពិភពលោក៕
ប្រែសម្រួលដោយ៖ សុ ជាតា