影片
營業時間
星期一至日
12:00 - 15:00
18:00 - 22:00
以上資料只供參考, 請與餐廳確認詳情
相關文章
之前月生日朋友請食飯請咗我呢一間板神食，早兩個禮拜book既枱，好彩仲有吧檯位餐廳而家做緊感謝祭$ 398蚊一個人鐵板燒14品, 唔同部位要再另外加💴我同我朋友分別嗌咗唔同set🐮set1 澳洲和牛厚燒($448) 🐮set 2 和牛A5厚燒 ($648 )再加咗支細清酒 同正常鐵板燒餐廳一樣 佢會將啲材料放喺你面前畀你影相，我哋兩個人所以佢就將兩個人嘅份量一齊放落同一隻碟度海鲜有蠔有鮑魚同埋蝦另外有少少前菜同有個甜品 前菜有幾塊刺身同一碟沙律，加小拌菜。之後係煎蠔味道都正常。食完之後就上煎鮑魚，鮑魚煎得唔錯火候控制得幾好。另外佢係用咗啲香草牛油去煎 ，所以調味嚟講都唔單調。再之後煎埋隻蝦，呢個都正正常常之後有啲🥬烤蔬菜用來間場，仲有個麵豉湯 再之後就入正題 ：🐮澳洲和牛同A5厚燒 個牛佢好似會問你想要幾多成熟，但係推薦好似係五成，所以我哋兩款都嗌咗五成熟。個師傅知我哋點咗兩款餐好好人問我哋會唔會想人一半，我哋話ok於是左於是乎佢將兩塊牛分成八件再畀我哋每人四件四件 。兩款牛食落都好好味 ，A5嗰隻油脂感重少少入口即溶，澳洲嗰隻就肉味重啲稍為有少少咬口，但係都好好味。如果約兩個人嚟食我都推薦一人叫一款唔同嘅，我見隔離枱嗌咗薄燒係一塊薄牛肉包住啲蔥花，跟住一人有兩塊定三塊，對比起來講一定係嗌厚燒正好多 。食完牛之後就係一個和🍚牛炒飯，和牛炒飯炒得好香 ，粒粒分明口感幾好，同埋份量都足。之後甜品有🍡蕨餅同埋焦糖煎多士：蕨餅軟糯唔黐牙，個多士香脆易入口，用嚟埋尾好唔錯。 我哋叫呢款🍶清酒 ($250 300ml) 比較輕身清爽，少少甜好易入口，用來配鐵板燒一流，推薦大家都嗌細細支可以解腻 。坐吧枱其實都幾過癮，有得食有得睇，同埋今次睇得出我哋呢個師傅手勢唔錯 呢間餐廳整體嚟講幾好，性價比唔錯，食物質素都好好，環境氣氛都冇咩可以彈，唯獨是佢人手唔係好夠有時叫佢加茶叫咗幾輪先有人過嚟，可能係因為我星期六晚過嚟，睇得出佢所有枱都坐滿 。
繼續閱讀
感謝祭套餐💫—🥗 前菜 • 沙律🐟 刺身三款 (縞鰺 • 鰹 • 油甘魚)•🦐 大蝦🐚 帆立貝🐟 白鱈魚🐮 澳洲和牛薄燒🥒 季節野菜🍚 炒飯🍲 味噌汁•🍞 砂糖多士🍮 黃豆 • 抺茶蕨餅—整個套餐本身是$398 非常抵食👍然後加$100 吃澳洲和牛薄燒咁當然這個套餐同平常的Dinner Menu用的食材有一定的分別 沒有fancy的龍蝦鮑魚之類…但casual吃個鐵板燒晚餐都已經好夠😌最緊要係灣仔店個view又靚 又有細房可以同朋友吃個開心dinner😊
繼續閱讀
今日去了灣仔「板神」鉄板燒日本料理。這裡的坐位非常舒適，廚師非常親切。我點了$398的套餐，裡面包括了前菜沙律、三款刺身、南非飽魚、大蝦、帆立貝、白鱈、季節野菜等。每一款食物都非常美味，而且份量十足。以下是我對每一款食物的詳細評論：* 前菜沙律：清爽可口，非常適合開胃。* 三款刺身：鮮甜新鮮美味。* 南非飽魚：口感鮮美，肉質鮮嫩。* 大蝦：鮮甜可口，鮮嫩彈牙。* 帆立貝、白鱈（其中一款）：帆立貝鮮嫩。* 帶子、魚/法國鹅肝（其中一款）：魚肉鮮嫩，醬汁調配非常開胃。* 季節野菜：清爽可口，非常適合搭配其他食物食用。我非常喜歡這家餐廳的食物和環境，而且價格非常貼地。
繼續閱讀
阪神餐廳最近舉辦了感謝祭活動，價格只需$398，非常划算！🥩 如果你願意加點價錢，可以升級品嚐到厚切的和牛，物超所值！👍 餐廳的食物品質非常出色，味道美味可口，絕對不會讓你失望！🌅 雖然這次沒有坐鐵板前，但可以坐在窗邊，欣賞著美麗的海景。總結：阪神餐廳的感謝祭活動真是超值！無論是價格、食物品質還是味道，都讓人驚艷不已。推介他們的多士，而且坐在窗邊，還可以欣賞到迷人的海景。下次我一定會再去！👌👌👌
繼續閱讀
板神有三間分店，我選擇了灣仔分店，因為位於30樓高，可以一覽夜景🌃我點了一點美國牛簿切及澳洲牛厚切。先上沙律前菜，柚子醋很開胃，配海蜇。刺身有3款。然後師傳開始燒，我們點了一點鵝肝、一個帶子，鵝肝用麵包夾著，然後燒鮑魚，十分新鮮及爽口。大蝦🍤也很鮮甜及爽口！主菜牛肉，厚切的牛肉味較香，簿切卷著蒜片及蔥菜燒了秋葵、紅椒、蘑菇。最後炒飯，拌著牛肉碎及洋蔥🧅，略嫌不夠咸。甜點是焦糖多士。完滿！
繼續閱讀