O GDR-10 Limia-Arnoia organiza este curso que está financiado por: FEADER, MAPA e AGADER.
Este curso pretende servir para a obtención da certificación en Aptitude Empresarial Agraria (Incorporación) que emite a Xunta a traveso do Agacal. É un curso modular na modalidade semipresencial, e realizaranse os módulos específicos da orientación en gandería extensiva.
Pode facer o curso calquera persoa aínda que non queira obter a certificación que emite o Agacal.
Os módulos son independentes entre si, e os específicos da modalidade de gandería extensiva son:
Módulo 6 - Agrotecnoloxía (30 horas): 15 horas online e 15 horas presenciais.
Módulo 7 - Produción de forraxes e alimentación do gando (40 horas): 20 horas online e 20 horas presenciais.
Módulo 8 - Manexo do gando e produción de carne (30 horas): 15 horas online e 15 horas presenciais.
Para obter a certificación que emite a Xunta terás que superar a parte online e asistir ao 100 % das horas presenciais. Despois de comprobar que cumpres os requisitos, poderás ter acceso a realizar os exames de cada módulo que xestiona a Xunta.
Superado o exame e cumprindo os requisitos para poder solicitar a certificación, o Agacal emitirá a certificación de ter superado cada un dos módulos superados.
As datas nas que desenvolverase o curso son as seguintes:
Módulo 6: Parte online do 23 de maio ao 13 de xuño - Parte presencial entre o 20 e o 28 de xuño.
Módulos 7 e 8: Parte online do 11 de xullo ao 5 de setembro - Parte presencial entre o 12 de setembro ao 7 de outubro.
A parte online do curso realizarase no campus virtual do Sindicato Labrego Galego - Comisións Labregas (
https://campus.sindicatolabrego.gal/acceso.php).
O campus virtual estará dispoñible as 24 horas do día, entre os días sinalados, ambos incluídos.
As conexións poderás facelas dende o computador, tablet, móbil e outros dispositivos similares.
A parte presencial realizaranse no concello de Xunqueira de Ambía.
Podes solicitar máis información chamando ao Tlf.: 988 688 779 ou por correo electrónico: info@limia-arnoia.gal