ფინანსთა სამინისტროს ხაზინამ 2022 წლის ბიუჯეტის ორი თვის შესრულების ანგარიში გამოაქვეყნა. დოკუმენტის თანახმად, იანვარ-თებერვალში ბიუჯეტმა გადასახადების სახით 2.2 მილიარდის შემოსავალი მიიღო, რაც პირველი კვარტლის გეგმის 60%-ია.
უფრო დეტალურად, საგადასახადო შესრულება ასე ნაწილდება:
● საშემოსავლო გადასახადი - 747.4 მილიონი ლარი, პირველი კვარტლის გეგმის 66%;
● მოგების გადასახადი - 238 მილიონი ლარი, გეგმის 43%;
● დამატებული ღირებულების გადასახადი - 884 მილიონი ლარი, გეგმის 76%;
● აქციზი - 217 მილიონი ლარი, გეგმის 67%;
● მათ შორის აქციზი თამბაქოს ნაწარმიდან - 88.6 მილიონი ლარი;
● მათ შორის აქციზი დიზელის საწვავიდან - 35.2 მილიონი ლარი;
● მათ შორის აქციზი ბენზინიდან - 45.4 მილიონი ლარი.
● იმპორტის გადასახადი - 14.5 მილიონი ლარი, გეგმის 85%.
ბიუჯეტის შესრულების ანგარიშის მიხედვით, 2022 წლის იანვარ-თებერვალში სახელმწიფომ 590 მილიონი ლარის ახალი ვალი აიღო. აქედან 370 მილიონი ლარი საშინაო ვალდებულებები, 220 მილიონი ლარი კი საგარეო ვალდებულებები იყო.
