香港文匯報訊（記者 梁靜儀）馮允謙（Jay）與方皓玟昨日出席地產項目活動，活動上除了播放二人為該項目拍攝之MV，又分享自己對「Dream house」的要求，二人異口同聲表示仍未「上車」，若發展商可給予折扣都會考慮入市。

Jay近年既開演唱會又接拍多個廣告，但他謙稱仍在努力工作儲錢中，都希望能在港置業， 對於「Dream house」的要求，他說：「要600呎，2至3間房，一間爸爸媽媽返嚟可以瞓，一間音樂室做嘢用，一間自己瞓，有會所，我鍾意做運動，最好有籃球場，因為我鍾意打籃球，不過平時我鍾意打街波，會到街場同陌生人切磋球技。」問到離自己目標還有幾遠？他笑言應該要工作多10年。

目前與弟弟同住的Jay， 投訴孖生弟弟經常獨霸電視， 笑言若買樓就會踢走對方，他笑說：「有時做完嘢返屋企，又或者星期六、日想睇籃球， 都想一個人喺廳睇電視，但細佬就開住部電視喺度玩手機， 佢睇嘅嘢我又唔鍾意睇，焗住睇唔鍾意睇嘅節目。」 阿Jay強調不是踢走細佬，大家是和平決裂，因為細佬都想搬出去獨居。