ក្រុមការងារចម្រុះមកពីស្ថាប័នផ្សេងៗគ្នា ដើម្បីទប់ស្កាត់ការនេសាទខុសច្បាប់ក្នុងបឹងទន្លេសាប បានប្រើប្រាស់កំពង់ផែកំពង់ភ្លុក ជាចំណុចប្រជុំ ដើម្បីសម្របសម្រួលការបង្រ្កាបបទល្មើសនេសាទខុសច្បាប់ក្នុងបឹងដ៏ធំមួយនេះ។
រដ្ឋលេខាធិការក្រសួងកសិកម្ម លោក ណៅ ធួក ដែលកំពុងដឹកនាំក្រុមការងារ បាននិយាយកាលពីម្សិលមិញថា ក្រុមការងារសម្រេចជ្រើសរើសកំពង់ផែកំពង់ភ្លុក ស្រុកសូត្រនិគម ខេត្តសៀមរាប ជាកន្លែងប្រជុំសម្របសម្រួលប្រតិបត្តិការចាប់ខ្លួនអ្នកដែលពាក់ព័ន្ធក្នុងការនេសាទខុសច្បាប់។
លោក ធួក បានមានប្រសាសន៍ថា៖ « កន្លែងនេះគឺជាចំណុចកណ្តាលដែលអនុញ្ញាតឱ្យយើងបញ្ជូនកម្លាំងរបស់យើងទៅកាន់ខេត្តសៀមរាប និងខេត្តបាត់ដំបងបានទាន់ពេលវេលា»។
លោកបានបន្ថែមថា ក្រុមការងារចម្រុះមានបុរស និងស្ត្រីជាង ២០០នាក់ ភាគច្រើនជាមន្ត្រីនគរបាល និងយោធាមកពីខេត្តដែលពាក់ព័ន្ធក្នុងប្រតិបត្តិការនេះ។
លោកថា៖« តាមពិតទៅ នៅពេលដែលយើងធ្វើប្រតិបត្តិការបង្រ្កាបការនេសាទខុសច្បាប់នៅក្នុងខេត្តមួយ ស្នងការនគរបាលខេត្តនោះនឹងបញ្ជូនមន្ត្រីនគរបាល និងយោធារបស់ពួកគេមកជួយយើងក្នុងប្រតិបត្តិការនេះ។ ឧទាហរណ៍ កាលពីថ្ងៃច័ន្ទ នៅពេលដែលយើងធ្វើប្រតិបត្តិការចាប់ខ្លួនបុរសម្នាក់ដែលនេសាទខុសច្បាប់នៅក្នុងខេត្តសៀមរាប នគរបាលខេត្តបានបញ្ជូនបុគ្គលិកប៉ូលីសចំនួន ៧0 នាក់ដើម្បីជួយយើងក្នុងប្រតិបត្តិការនេះ»។
លោកថា ក្រុមការងារចម្រុះអាចប្រើប្រាស់ទូកលឿនតាមដែលអាចធ្វើបានក្នុងប្រតិបត្តិការរបស់ខ្លួន ដោយមានជំនួយពីអាជ្ញាធរខេត្តជុំវិញបឹង។
លោកបានបន្ថែមថា៖ «បច្ចុប្បន្នយើងប្រើទូកល្បឿនប្រហែល ២០ គ្រឿង ហើយយើងត្រូវការបន្ថែមទៀតដើម្បីពង្រឹងប្រតិបត្តិការរបស់យើងឲ្យមានប្រសិទ្ធភាព និងប្រសិទ្ធភាព»។
អាជ្ញាធរកំពុងប្រើប្រាស់បណ្តាញទូរស័ព្ទទាន់ហេតុការណ៍ចំនួន ៤ និងបណ្តាញសង្គមមួយចំនួនដើម្បីទទួលបានព័ត៌មានស្តីពីការនេសាទខុសច្បាប់ពីសាធារណជន ជាពិសេសអ្នករស់នៅជុំវិញបឹង។
លោក បានមានប្រសាសន៍ថា៖ « ខណៈពេលដែលយើងអនុវត្តប្រតិបត្តិការនេះ យើងក៏កំពុងអប់រំអ្នកភូមិកុំឱ្យចូលរួមក្នុងការនេសាទខុសច្បាប់ និងការប្រើប្រាស់ឧបករណ៍ដូចជា អាគុយ ឆក់ សំណាញ់នេសាទដែលមានសំណាញ់តូចៗ និងផលិតផលគីមីពុលជាដើម»។
រហូតមកដល់ពេលនេះ ជនសង្ស័យចំនួន ១៣០នាក់ ពាក់ព័ន្ធការនេសាទខុសច្បាប់ ត្រូវបានចាប់ខ្លួន ហើយពួកគេកំពុងត្រូវបានសួរចម្លើយ។កាលពីថ្ងៃអាទិត្យ ក្រុមការងារបានជួបប្រជុំគ្នានិងបានឯកភាពលើវិធានការមួយចំនួនដើម្បីប្រយុទ្ធប្រឆាំងនឹងសកម្មភាពខុសច្បាប់នេះ៕
ប្រែសម្រួលដោយ៖ សុ ជាតា