“𝘼𝙣𝙜𝙜𝙤 𝙨𝙚𝙣𝙜 𝙩𝙪𝙗𝙪𝙝 𝙝𝙖𝙡𝙖𝙠 𝙥𝙖𝙙𝙪𝙖𝙝𝙖𝙡𝙞𝙝𝙤𝙣 𝙨𝙚𝙣𝙜 𝙩𝙖𝙧𝙗𝙖𝙝𝙚𝙣𝙨𝙞 𝙢𝙖𝙣𝙜𝙞𝙙𝙖𝙝 𝙃𝙖𝙧𝙖𝙟𝙖𝙤𝙣 𝙣𝙞 𝙉𝙖𝙞𝙗𝙖𝙩𝙖. 𝘼𝙣𝙜𝙜𝙤 𝙨𝙚𝙣𝙜 𝙩𝙪𝙗𝙪𝙝 𝙝𝙖𝙡𝙖𝙠 𝙝𝙪𝙢𝙗𝙖𝙣𝙞 𝙗𝙖𝙝 𝙥𝙖𝙠𝙤𝙣 𝙩𝙤𝙣𝙙𝙪𝙮, 𝙨𝙚𝙣𝙜 𝙗𝙤𝙞 𝙞𝙖 𝙢𝙖𝙨𝙪𝙠 𝙝𝙪 𝙃𝙖𝙧𝙖𝙟𝙖𝙤𝙣 𝙣𝙞 𝙉𝙖𝙞𝙗𝙖𝙩𝙖. 𝘿𝙖𝙜𝙞𝙣𝙜 𝙙𝙤 𝙣𝙖 𝙩𝙪𝙗𝙪𝙝 𝙝𝙪𝙢𝙗𝙖𝙣𝙞 𝙙𝙖𝙜𝙞𝙣𝙜 𝙩𝙤𝙣𝙙𝙪𝙮 𝙙𝙤 𝙣𝙖 𝙩𝙪𝙗𝙪𝙝 𝙝𝙪𝙢𝙗𝙖𝙣𝙞 𝙩𝙤𝙣𝙙𝙪𝙮“. (Johanes 3:3,5,6, Terj Lama)
 

Na tubuh do hita paduahalihon marhitei bah pakon Tonduy, sanggah na tardidi hita. Gabe songon na baru tubuh do hita pasal partonduyon. Roh do Naibata hu banta manompa goluh na baru ibagas uhurta. Ninuhur ni Naibata sihol marianan Tonduy ni Naibata ibagas uhurta, sonai ampa hagogohon-Ni ronsi idop ni uhur, ase torsa pingkiranta, hatanta pakon parlahouta, pasirsirhon hita bani ari ni Tuhan Jesus Kristus.

Tapi dong do homa na mangahapkon, age pe domma tardidi ia seng dong marianan goluh na baru ai ibagas uhurni, seng dear parlahouni, seng ope marosuh ia mandalankon Hata ni Naibata.

Halak sisonai ai rosuhni do ibahen mangimbang rosuh ni Naibata. Marhorja do Tonduy ai namin tapi ilawan do, ibalosi do dagingni ampa uhurni hinan.

Tapi halak na manggoluh marguru bani dagingni na laho hu hamagoan ma ai. Aha do sibahenon ni jolma na sonai ai? Mulak ma ia bani Naibata, ijalo ma uhur na baru, ilawan ma uhur sapari ai. Mangkawah ma ia bani Jesus na tarsilang ai na dob mangkopkopsi, ijalo ma hasasapan ni dousani, iihutkon ma Naibata ase manggoluh ia.

Mangkawah ma ham bani Tuhan Jesus na tarsilang ai na matei halani dousamu janah na mulak manggoluh, ase marpangarapan na manggoluh hita.

Jolma na baru na dob tubuh paduahalihon ai, etek do ope ai songon dakdanak na etek porlu patorsa-torsaon, porlu mangan hata ni Naibata, ase tambah banggal ni haporsayaonni.
 

𝘕𝘢𝘱𝘶𝘫𝘪 𝘮𝘢 𝘕𝘢𝘪𝘣𝘢𝘵𝘢, 𝘉𝘢𝘱𝘢 𝘯𝘪 𝘛𝘶𝘩𝘢𝘯 𝘑𝘦𝘴𝘶𝘴 𝘒𝘳𝘪𝘴𝘵𝘶𝘴 𝘯𝘢 𝘥𝘰𝘣 𝘮𝘢𝘯𝘵𝘶𝘣𝘶𝘩𝘬𝘰𝘯 𝘩𝘪𝘵𝘢 𝘱𝘢𝘥𝘶𝘢𝘩𝘢𝘭𝘪𝘩𝘰𝘯 𝘩𝘶𝘮𝘣𝘢𝘯𝘪 𝘣𝘢𝘯𝘨𝘨𝘢𝘭 𝘯𝘪 𝘪𝘥𝘰𝘱 𝘯𝘪 𝘶𝘩𝘶𝘮𝘪 𝘩𝘶𝘣𝘢𝘯𝘪 𝘱𝘢𝘯𝘨𝘢𝘳𝘢𝘱𝘢𝘯 𝘯𝘢 𝘮𝘢𝘯𝘨𝘨𝘰𝘭𝘶𝘩 𝘮𝘢𝘳𝘩𝘪𝘵𝘦𝘪 𝘱𝘢𝘳𝘱𝘶𝘩𝘰𝘰𝘯 𝘯𝘪 𝘑𝘦𝘴𝘶𝘴 𝘒𝘳𝘪𝘴𝘵𝘶𝘴 𝘩𝘶𝘮𝘣𝘢𝘯𝘪 𝘯𝘢 𝘮𝘢𝘵𝘦𝘪. 𝘈𝘮𝘦𝘯.

Haleluya No. 96: 1,3: 𝐒𝐞𝐧𝐠 𝐀𝐮 𝐎𝐦𝐩𝐮𝐧𝐠𝐧𝐢 𝐀𝐡𝐮

1. 𝘚𝘦𝘯𝘨 𝘢𝘶 𝘰𝘮𝘱𝘶𝘯𝘨𝘯𝘪 𝘢𝘩𝘶 𝘩𝘶𝘣𝘦𝘳𝘦 𝘥𝘪𝘳𝘪𝘯𝘨𝘬𝘰𝘯 𝘣𝘢𝘪 𝘛𝘶𝘩𝘢𝘯 𝘪𝘯 𝘙𝘢𝘫𝘢𝘯𝘨𝘬𝘶 𝘴𝘪𝘨𝘰𝘮𝘨𝘰𝘮 𝘵𝘢𝘯𝘰𝘩 𝘰𝘯 𝘈𝘪 𝘣𝘢𝘪 𝘥𝘪𝘳𝘪𝘯𝘪 𝘑𝘦𝘴𝘶𝘴 𝘢𝘶 𝘪𝘥𝘪𝘥𝘢𝘩 𝘕𝘢𝘪𝘣𝘢𝘵𝘢𝘯𝘨𝘬𝘶 𝘕𝘢 𝘱𝘢𝘴𝘰𝘯𝘢𝘯𝘨 𝘢𝘶
2. 𝘚𝘦𝘯𝘨 𝘢𝘶 𝘰𝘮𝘱𝘶𝘯𝘨𝘯𝘪 𝘢𝘩𝘶 𝘥𝘰𝘣 𝘯𝘢 𝘵𝘢𝘳𝘥𝘪𝘥𝘪 𝘢𝘶 𝘣𝘢𝘪 𝘨𝘰𝘳𝘢𝘯 𝘯𝘪 𝘛𝘶𝘩𝘢𝘯𝘬𝘶 𝘯𝘢 𝘮𝘢𝘳𝘩𝘪𝘰𝘶𝘪 𝘢𝘶 𝘮𝘢𝘳𝘥𝘰𝘮𝘶 𝘢𝘶 𝘣𝘢𝘪 𝘑𝘦𝘴𝘶𝘴 𝘪𝘯 𝘳𝘢𝘱 𝘱𝘢𝘬𝘰𝘯 𝘒𝘶𝘳𝘪𝘢-𝘕𝘪 𝘨𝘪𝘯𝘰𝘮𝘨𝘰𝘮𝘢𝘯-𝘕𝘪𝘪𝘯

~Pdt J Wismar Saragih, Tadah ni Tonduyta

tnt0614