最強博彩盤路過關神器《串績王》：http://win.on.cc/football/　

法甲老牌球會波爾多周四(22日)宣布，球會最大股東King Street決定停止向球會注資，而為咗能夠令波爾多繼續生存，主席已將球會移交商業法院保護，協助尋找令波爾多可以繼續營運嘅方案。

波爾多發表聲明話：「受到疫情打擊同轉播商Mediapro退出影響，法甲球會嘅盈利出現嚴重倒退，球會最大股東King Street自入主後，一共投資咗4,600萬歐元，但King Street已表明唔願意再進行投資，呢個情況下，球會主席決定將波爾多移交商業法院保護，法院已經委任託管人，協助尋找令波爾多能夠繼續營運嘅方案。」

波爾多曾經6奪法甲冠軍，泰簡拿、施丹、杜加利等名將都曾經效力呢間老牌球會，波爾多目前排喺法甲尾5，比起尾3嘅尼姆只多5分，仍未解除降班威脅。