Junior Ignite Camp – гэта сацыяльны адукацыйны праект для школьнікаў, якія цікавяцца ІТ-тэматыкай і тэхнічнай творчасцю, але маюць цяжкасці ці бар’еры (геаграфічныя, фінансавыя, сацыяльныя) для рэгулярнага наведвання такіх заняткаў ва ўстановах дадатковай адукацыі.
А таксама для ўсіх, каму цікава!
Сёлета праз пандэмiю лагер для падлеткаў 10-15 гадоў пройдзе ў анлайн-фармаце з 28.06 па 9.07. Усе заняткі праходзяць у праграме ZOOM.
Навучанне ў лагеры складаецца з трох адукацыйных блокаў:
- ІТ-блок
- моўны блок
- праектны блок
Цягам усяго лагера праводзіцца бізнэс-гульня, у якую ўцягнутыя ўсе ўдзельнікі лагера: кожны атрад – гэта асобны стартап, які ўдзельнічае ў бізнес-інкубатары. Кожны атрад, выкарыстоўваючы веды, атрыманыя на занятках, стварае свой унікальных прадукт і прэзентуе яго ў канцы змены інвестарам. Прэзентацыя праходзіць на англійскай мове.
Акрамя абавязковых адукацыйных блокаў падлеткi таксама ўдзельнічаюць у розных майстар-класах i факультатывах.
Мы запрашаем далучыцца да адукацыйнага праекта ў якасці валанцёраў.
Мы чакаем валанцёраў на 3 пазіцыі:
- важатыя;
- вядоўцы адукацыйных блокаў (IT i англійская мова);
- вядоўцы факультатываў.
Для студэнтаў ёсць варыянт аформіць валанцёрства ў лагеры як практыку.
Апicанне занятасцi i абавязкаў для валанцёраў вы знойдзеце тут:
https://docs.google.com/document/d/1mHnNSE0AirzzmtmNEza836J_vZex0f_xT8wtQWVdA90/editПа ўсіх пытаннях можна тэлефанаваць Варвары (+375292622452).
Дэдлайн запаўнення анкеты –23 чэрвеня 2021.
Арганізатары лагера: каманда валанцёраў з супольнасці праграммы “Настаўнік для Беларусі” пры падтрымцы кампаніі EPAM.