Da mán de Priscila Retamozo e Cristina Louzán de PRISMA Igualdade levaremos a cabo unha charla-obradoiro onde aprenderemos os conceptos básicos da igualdade de xénero, observaremos e reflexionaremos dende unha perspectiva feminista sobre o uso das redes sociais, avanzaremos na prevención da violencia de xénero, contrarrestando as formas, mensaxes e actitudes aprendidas de forma cotiá que aboan o terreo para as relacións de desigualdade, animarán a analizar con perspectiva crítica a cousificación e a hipersexualización
das imaxes relacionadas coas mulleres, poremos en entredito a denominada “lei do agrado”, proporán dende a educación afectivo sexual outros modelos de relación, referentes máis igualitarios e empoderar para que entendan as rr.ss. como ferramentas para o cambio social.
Esta charla está organizada pola Federación de ANPAS de Centros Públicos A Gameliña o xoves 23, as 19:30 no salón de actos da antiga Casa do Mar, ó aveiro das "Axudas económicas ás Anpas destinadas á promoción da igualdade entre homes e mulleres e a prevención e loita contra a violencia cara as mulleres" da Consellería de Promoción do Emprego e Igualdade .
Para esta actividade contamos con servizo de canguraxe para que poidades asistir sen pensar con quen deixar ás vosas crianzas.
Os datos de carácter persoal que se facilitan mediante o seguinte formulario, terán unha validez igual ao período de realización da actividade á que se inscribe e quedarán rexistrados nun ficheiro da Federación de centros públicos A Gameliña, coa finalidade de informar, convocar e contestar as consultas que se realicen a Federación. Por elo, poden solicitar os dereitos de Acceso, Rectificación, Supresión (dereito ao esquecemento), Limitación do tratamento, Portabilidade e Dereito de Oposición.