សម្តេចតេជោនាយករដ្ឋមន្រ្តី ហ៊ុន សែន បានស្នើរដ្ឋមន្ត្រីក្រសួងអប់រំ យុវជន និងកីឡា លោកបណ្ឌិត ហង់ ជួន ណារ៉ុន ធានាការអប់រំសម្រាប់ទាំងអស់គ្នា។
ក្នុងពិធីចែកសញ្ញាបត្រដល់និស្សិតនៃសាកលវិទ្យាល័យភ្នំពេញអន្តរជាតិ (PPIU) ចំនួន ២,១១៥នាក់ នាព្រឹកមិញនេះ លោក ហ៊ុន សែន បានណែនាំឲ្យក្រសួងអប់រំ យុវជន និងកីឡា ពិនិត្យមើលការអប់រំរបស់កុមារដែលមានឪពុកម្តាយជាពលករចំណាកស្រុក។
លោកបានគូសបញ្ជាក់ថា៖ «យើងត្រូវតែធ្វើឱ្យប្រាកដថាមិនត្រូវទុកនរណាម្នាក់ឲ្យនៅក្រៅចរន្តនៃការអប់រំនោះឡើយ»។
ប្រព័ន្ធអប់រំនៅកម្ពុជារួមមាន មត្តេយ្យសិក្សា បឋមសិក្សា មធ្យមសិក្សា ឧត្តមសិក្សា និងការអប់រំក្រៅប្រព័ន្ធ។ ហើយក៏រួមបញ្ចូលផងដែរនូវការអភិវឌ្ឍន៍កីឡា ការអប់រំផ្នែកព័ត៌មានវិទ្យា ការអភិវឌ្ឍន៍ការស្រាវជ្រាវ និងការអប់រំបច្ចេកទេស។ AKP-Heng Panha