កំពង់ផែស្វយ័តភ្នំពេញ ( PPAP ) បានរកចំណូលបាន ១០,៧៧ លានដុល្លារក្នុងរយៈពេល៤ខែឆ្នាំនេះ ពោលគឺធ្លាក់ចុះ ១៤ភាគរយ នៃប្រាក់ចំណូល ១២, ៥៣ លានដុល្លារបើប្រៀបធៀបនឹងរយៈពេលដូចគ្នាក្នុងឆ្នាំ ២០២២។
PPAP បានរាយការណ៍ពីការថយចុះ ២៤ ភាគរយនៃប្រាក់ចំណូលពីប្រតិបត្តិការកំពង់ផែសម្រាប់រយៈពេល៤ ខែដំបូងក្នុងឆ្នាំ ២០២៣។ ស្ថាប័ននេះរកប្រាក់ចំណូលបាន ៧,៩៣លានដុល្លារក្នុងអំឡុងពេលនេះ ពោលគឺធ្លាក់ចុះពី ១០,៣០ លានដុល្លារក្នុងរយៈពេលដូចគ្នាកាលពីឆ្នាំមុន។
ប្រាក់ចំណូលស្ថាប័នពីប្រតិបត្តិកំពង់ផែនៅក្នុងខែមេសាឆ្នាំនេះធ្លាក់ចុះ ២០ភាគរយគិតជាទឹកប្រាក់ ២, ០២ លាន ពោលពី ២,៥១ លានដុល្លារ សម្រាប់ខែដូចគ្នាកាលពីឆ្នាំមុន។
បើទោះបីជាមានការធ្លាក់ចុះប្រាក់ចំណូលពីប្រតិបត្តិការកំពង់ផែ ក៏ PPAP បានកត់ត្រាកើនឡើងប្រាក់ចំណូលពីអាជ្ញាធរកំពង់ផែ និង ចំណូលផ្សេងទៀត។
ប្រាក់ចំណូលរបស់ខ្លួនពីអាជ្ញាធរកំពង់ផែបានកើនឡើងបីភាគរយដល់ ៣៣៦,១៨៥ ដុល្លារក្នុងខែមេសា គឺកើនឡើងពី ៣២៧,៧៥២ ដុល្លារក្នុងខែដូចគ្នាកាលពីឆ្នាំមុន។
ស្រដៀងគ្នានេះ ប្រាក់ចំណូលពីកំពង់ផែទន្លេក្នុងវិស័យសាធារណៈពីអាជ្ញាធរកំពង់ផែបានកើនឡើង ១២ភាគរយ គិតជាទឹកប្រាក់ ១, ៤៩ លានដុល្លារនៅក្នុងរយៈពេល៤ខែឆ្នាំ ២០២៣ ពោលគឺកើនឡើងពីទឹកប្រាក់ ១,៣៣ លានដុល្លារសម្រាប់រយៈពេលដូចគ្នាកាលពីឆ្នាំទៅ។
ប្រាក់ចំណូលរបស់ស្ថាប័នពីចំណូលផ្សេងទៀតកើនឡើង ៣ភាគរយ គិតជាទឹកប្រាក់ ១៧៥,៥៤៦ ដុល្លារនៅក្នុងខែ មេសាឆ្នាំនេះ បើប្រៀបធៀបនឹងប្រាក់ចំណូលគិតជាទឹកប្រាក់ ១៧០,៨៨៩ ដុល្លារ ក្នុងរយៈពេលដូចគ្នាកាលពីឆ្នាំមុន។
ក្នុងរយៈពេលពេញ ១ឆ្នាំ នៅឆ្នាំ២០២២កន្លងមកនេះ កំពង់ផែស្វយ័តក្រុងព្រះសីហនុ និងកំពង់ផែស្វយ័តភ្នំពេញ រកចំណូលបានសរុបប្រមាណជិត១៣០ លានដុល្លារ។ ក្រសួងសាធារណការបានបង្ហាញថា ការដឹកជញ្ជូនទំនិញតាមរយៈកំពង់ផែ បានកើនឡើង ២,៤៥ភាគរយ ដល់៨៦ លានដុល្លារក្នុងឆ្នាំ២០២២ ហើយកំពង់ផែបានកើនឡើង ១៧,១០ភាគរយដល់ ៤០លានដុល្លារបើធៀបនឹងឆ្នាំ ២០២១។
លោក ស៊ុន ចាន់ថុល មានប្រសាសន៍កាលពីថ្មីៗនេះថា ការកើនឡើងដឹកជញ្ជូនគឺការការនាំចេញកសិកម្ម ក៏ដូចជាផលិតផល សម្លៀកបំពាក់ និងធ្វើដំណើរផងដែរ។
ក្រសួងបាន និងកំពុងសិក្សា សមិទ្ធលទ្ធភាពសាងសង់ផែកុងតឺន័រ ជំហានទី២ និងជំហានទី៣ ក្នុងនោះ ជំហានទី២ ប្រវែង៤០០ម៉ែត្រ ជម្រៅទឹក ១៦ម៉ែត្រ (២០២៥-២០២៨) និងជំហានទី៣ ប្រវែង ៤៣០ម៉ែត្រ ជម្រៅទឹក ១៧,៥ម៉ែត្រ
(២០២៦-២០៣០)ផងដែរ។
ក្រសួងសាធារណការនិងដឹកជញ្ជូន ក៏បានដាក់ឱ្យដំណើរការនូវប្រព័ន្ឋផ្លាស់ប្តូរទិន្នន័យ
អេឡិចត្រូនិកកំពង់ផែ Port Electronic Data Interchange (Port EDI) ដែលផ្តល់ហិរញ្ញប្បទានដោយប្រទេសជប៉ុនផងដែរនៅកំពង់ផែស្វយ័តក្រុងព្រះសីហនុ និងកំពង់ផែស្វយ័តភ្នំពេញ ក្នុងគោលបំណងដើម្បីអភិវឌ្ឍន៍ប្រសិទ្ឋភាព តម្លាភាព និង កាត់បន្ថយតម្លៃ៕
ប្រែសម្រួលដោយ៖ សុ ជាតា