រដ្ឋសភាបានអនុម័តយល់ព្រមលើពិធីសារទី៤ស្តីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាន (ACIA)។
ការអនុម័តនេះបានធ្វើឡើងក្នុងសម័យប្រជុំលើកទី៨ នីតិកាលទី៦ របស់រដ្ឋសភា ដែលប្រព្រឹត្តទៅនៅថ្ងៃទី៣ ខែតុលា ក្រោមអធិបតីភាពលោក ហេង សំរិន ប្រធានរដ្ឋសភា។
សេចក្តីព្រាងច្បាប់ចំនួនពីរមាត្រា ត្រូវបានគាំទ្រដោយ៩៦សំឡេងរបស់សមាជិករដ្ឋសភា។
ក្នុងអំឡុងកិច្ចប្រជុំនោះ លោក ចាន់ យឿន ត្រូវបានបោះឆ្នោតជ្រើសតាំងជាសមាជិកគណៈកម្មការមហាផ្ទៃការពារជាតិ និងមុខងារសាធារណៈ នៃរដ្ឋសភា ដោយមានសម្លេងគាំទ្រចំនួន៩៨។
លោកស្រី ស៊ុន សាភឿន ជាសមាជិកគណៈកម្មការកិច្ចការបរទេសសហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា ដោយមានមានសម្លេងគាំទ្រចំនួន៩៨។
រដ្ឋសភាក៏បានទទួលស្គាល់អាណត្តិរបស់លោក ហេង ប៊ុនថាន់ ជាតំណាងរាស្រ្តមណ្ឌលរតនគិរី ជំនួសលោក ប៊ូ ឡាំ ដែលបានទទួលមរណភាព និងលោក នុត ជា ជាតំណាងរាស្រ្តមណ្ឌលរាជធានីភ្នំពេញ ជំនួស លោក ជៀប ស៊ីវន ដែលបានទទួលមរណភាព៕ AKP-Lim Nary
- Tags: ACIA