​របាយការណ៍​របស់​​​ក្រសួង​កសិកម្ម​ ​រុក្ខា​ប្រមាញ់​ ​និង​នេសាទ​ ​បាន​ឱ្យ​ដឹង​ថា​ ​ប្រទេស​កម្ពុជា​បាន​នាំចេញ​កសិផល​ចំនួន​ ​៨​,​៤​ ​លាន​តោន​កាលពីឆ្នាំមុន​ ​ដោយ​ទទួល​បាន​ប្រាក់​ចំណូល​ប្រមាណ​ ​៤​,​៣​ ​ពាន់​លាន​ដុល្លារ​អាមេរិក​។​

ការ​នាំចេញ​ផលិត​ផល​កសិកម្ម​បាន​ធ្លាក​់ចុះ​ក្នុង​បរិមាណ​ជិត​ ​២​ ​ភាគរយ​ក្នុង​បរិមាណ​បើ​ប្រៀបធៀប​ទៅ​នឹង​ឆ្នាំមុន​។​

​ផលិតផល​សំខាន់​ៗ​ដែល​កម្ពុជា​នាំចេញ​រួម​មាន​ ​អង្ករ​ ​ចេក​ ​ស្វាយ​ ​ដំឡូងមី​ ​គ្រាប់ស្វាយ​ចន្ទី​ ​ពោត​ ​ប្រេង​ដូង​ ​ម្រេច​ ​និង​ថ្នាំជក់​។​

​ការនាំចេញ​អង្ករ​ ​និង​ស្រូវ​ទទួល​បាន​៥​៦​៧​លាន​ដុល្លារ​ ​និង​៩​៣​៩​លាន​ដុល្លារ​រៀងៗខ្លួន​ ​។​ ​ការនាំចេញ​កសិផល​មិនមែន​អង្ករ​មាន​តម្លៃ​ ​២​,​៨​ ​ពាន់​លាន​ដុល្លារ​។​

​នេះ​ស​បញ្ជាក់​ឱ្យ​ឃើញ​ថា​ វិ​ស​័​យ​កសិកម្ម​បាន​ដើរ​តួនាទី​យ៉ាង​សំខាន់​ក្នុង​ការ​គាំទ្រ​ដល់​ការ​អភិវឌ្ឍ​សេដ្ឋកិច្ច​-​សង្គម​របស់​កម្ពុជា​ ​ដែល​មាន​ភាព​ធន់​ជាង​វិ​ស​័​យ​ដទៃទៀត​។​

​ក្រសួង​បាន​និយាយ​ថា​៖​ ​«​ស្ថានភាព​ទូទៅ​នៃ​ការ​នាំ​ចេញ​កសិផល​នៅ​ឆ្នាំ​ ​២​០​២​៣​ ​នៅតែ​ល្អ​ ​ជាមួយនឹង​ការនាំចេញ​អង្ករ​កើន​ឡើងជា​ង​ ​៣​% ​ទោះបីជា​មាន​ជម្លោះ​ក្នុង​តំបន់​ ​វិបត្តិ​ស​ង្រ្គា​ម​ ​វិបត្តិសេដ្ឋកិច្ច​ ​ការ​ប្រែប្រួល​អាកាសធាតុ​ ​និង​ការ​ហាម​ឃាត់​ការ​នាំ​ចេញ​អាហារ​ [​នៅ​ក្នុង​ប្រទេស​មួយ​ចំនួន​]​»​។​

​កសិកម្ម​គឺជា​សសរស្តម្ភ​មួយ​ក្នុង​ចំណោម​សសរស្តម្ភ​ទាំង​បួន​ដែល​ជួយ​ដល់​សេដ្ឋកិច្ច​កម្ពុជា។​ ​របាយការណ៍​របស់​​​ក្រសួង​បាន​បន្ថែម​ថា​ វិ​ស​័​យ​នេះ​បាន​រួម​ចំណែក​ ​២​៤​.​៤​ ​ភាគរយ​ដល់​ផលិតផល​ក្នុង​ស្រុក​សរុប​ (​G​D​P​) ​របស់​ប្រទេស​ក្នុង​ឆ្នាំ​ ​២​០​២​១​។​

​ប្រទេស​ចិន​ ​វៀតណាម​ ​និង​ថៃ​ ​ជា​អ្នកន​ាំ​ចូល​ទំនិញ​កសិកម្ម​របស់​កម្ពុជា​។​

​កញ្ញា​ ​អុឹម​ ​រចនា​ ​អ្នកនាំពាក្យ​ក្រសួង​កសិកម្ម​ ​រុក្ខា​ប្រមាញ់​ ​និង​នេសាទ​ ​បាន​និយាយ​មុននេះ​ថា​ ​គោល​នយោបាយ​របស់​​​ក្រសួង​សម្រាប់​វិ​ស​័​យ​កសិកម្ម​មិន​ត្រឹម​តែ​ផ្តោត​លើ​ការធានា​សន្តិសុខ​ស្បៀង​ក្នុង​ប្រទេស​ប៉ុណ្ណោះ​ទេ​ ​ប៉ុន្តែ​ថែមទាំង​ស្វែងរក​ទី​ផ្សារ​នាំចេញ​សម្រាប់​ផលិតផល​កសិកម្ម​គុណភាព​ខ្ពស់​ផង​ដែរ​។​

​កញ្ញា​ថ្លែង​ថា​៖​ ​«​ការនាំចេញ​ផលិតផល​ជលផល​ធម្មជាតិ​ទៅកាន់​ទី​ផ្សារ​ប្រទេស​ចិន​មិន​ត្រឹមតែ​ជួយ​ជំរុញ​ពាណិជ្ជកម្ម​រវាង​កម្ពុជា​ ​និង​ចិន​ប៉ុណ្ណោះ​ទេ​ ​ប៉ុន្តែ​វាក​៏​នឹង​រួមចំណែក​ដល់​ជីវភាពរស់នៅ​របស់​ប្រជា​នេសាទ​កម្ពុជា​ផង​ដែរ​»​។​

​រដ្ឋាភិបាល​បាន​ប្រកាសអនុវត្ត​គោល​នយោបាយ​យុទ្ធសាស្ត្រ​ថ្មី​សម្រាប់​ការ​អភិវឌ្ឍ​កសិកម្ម​សំដៅ​លើក​ក​ម្ពស់​កសិកម្ម​ពី​គ្រួសារ​ទៅ​ជា​កសិកម្ម​ពាណិជ្ជកម្ម​ ​និង​លើក​ក​ម្ពស់​ចំណូល​កសិករ​តាមរយៈ​ផលិតផល​បន្ថែម​តម្លៃ​។​

​ក្រោម​គោល​នយោបាយ​អាទិភាព​ ​រដ្ឋាភិបាល​ដាក់​ពង្រាយ​មន្ត្រី​កសិកម្ម​ចំនួន​ ​២​៥​០​ ​នាក់​ ​ហើយ​ចំនួន​នឹង​កើន​ឡើង​ដល់​ជាង​ ​១​ ​៣​០​០​ ​នាក់​នៅ​ឆ្នាំ​ ​២០២៥​ ​នៅ​ក្នុង​ឃុំ​-​សង្កាត់​ទូទាំង​ប្រទេស​ ​ដើម្បី​បន្ថែម​ធនធាន​មនុស្ស​សម្រាប់​ការ​អភិវឌ្ឍន៍​វិ​ស​័​យ​កសិកម្ម​។​

​មន្ត្រី​ទាំងនេះ​នឹង​ជួយ​បច្ចេកទេស​ដល់​កសិករ​ ​បង្កើត​សហករណ៍​កសិកម្ម​ ​ភ្ជាប់​សង្វាក់​ផលិតកម្ម​ ​និង​ណែនាំ​កសិករ​ឱ្យ​កាត់បន្ថយ​ថ្លៃ​ដើម​ផលិតកម្ម​។​

​លោកនាយក​រដ្ឋ​ម​ន្រ្តី ​ហ៊ុន​ ​ម៉ា​ណែ​ត​ ​បាន​ថ្លែង​កាល​ពី​ខែវិច្ឆិកា​ឆ្នាំមុន​ថា​៖​ ​«​កសិកម្ម​នៅតែ​ជា​កត្តា​ជំរុញ​ដ៏​សំខាន់​មួយ​នៃ​ការ​អភិវឌ្ឍសេដ្ឋកិច្ច​របស់​កម្ពុជា​។​ ​យើង​បាន​ដាក់​ចេញ​នូវ​គោល​នយោបាយ​បន្ថែម​ ​ដើម្បី​ពង្រឹង​សក្តានុពល​កសិកម្ម​របស់យើង​ ​ដើម្បី​ជួយ​កសិករ​ទទួល​បាន​អត្ថប្រយោជន៍​កាន់​តែ​ច្រើន​ពី​វិ​ស័​យ​កសិកម្ម​»​។​

​នាយករដ្ឋមន្ត្រី​បាន​បន្ថែម​ថា​ ​គោល​នយោបាយ​នេះ​ក៏មាន​គោលបំណង​ធ្វើ​ឱ្យ​ប្រសើរ​ឡើង​នូវ​ការ​អនុវត្ត​កសិកម្ម​ប្រពៃណី​ទៅជា​វិធី​សា​ស្រ្ត​ទំនើប​ផង​ដែរ​៕​