موقع Esl Fast لتعليم اللغة الانجليزية مجاناً
اليوم هنتكلم عن موقع Esl Fast وهو موقع عظيم جدا بيقدم محتوى تعليمى أكتر من رائع فى تعليم اللغة الإنجليزية...
الموقع بيقدم 6 مستويات للمبتدئين كالآتى:
1: Reading
2: Writing
3: listening
4: Conversation
5: Speaking
6: Grammar
الموقع بيقدم فى كل مستوى مجموعة من المقالات والمحادثات والتسجيلات بشكل سلس وبسيط جداً... وهتحس إن الموقع ماشى معاك وفاهم انت عايز ايه، وبعد لما تخلص المستويات ديه هينقلك للمستوى المتوسط ولما تخلص المستوى المتوسط هينقلك للمستوى ال بعده لعند لما تكون Fluent فى الانجلش، يلا يا شباب استغلوا الفترة وما تضيعوش وقتكم.
اضغط 👈هنا
نصيحة اتش ار
كنت براجع CVs لحوالي ١٠٠ شخص الأيام اللي فاتت وأغلبهم Fresh grad ودي أكتر ١٠ غلطات شوفتها متكررة قولت أكتبها يمكن حد يستفيد.
1_ الايميل اللي بتحطه ف ال CV لازم يكون بروفيشنال بمعني بلاش إيميلات من نوعيه kokymody@gmail مثلا ! انت كده بتدي انطباع سئ من قبل الاتش ار ميفتح السي في احسن حاجه يكون اسمك ثنائي و ممكن معاه رقم ...وطبعا لازم يكون الايميل الشخصي مش ايميل الشغل
2_ لو هتحط صورة لازم تكون بروفيشنال برضه خلفيه ساده و يستحسن اللبس يكون بالوان محايده بتبين راسك والكتف بس و بلاش صور مفتعله( خاصه البنات) لانها بتقلل وتكاد تمحي فرصه ان حد يكلمك.
3_ استخدام لون ال black في الكتابة و افضل font تكتب بيه هو Times New Roman و size هيكون 12 وال Headlines تكون bold وممكن بلون بس بلاش ألوان فاقعة.
4_ ميكونش اكتر من صفحة صفحتين Maximum؛ اي اتش ار بيبص علي السي في مش اكتر من دقيقة او اتنين الكلام الكتير مش مطلوب الاختصار بشكل مظبوط نقطه قوه ليك
5_ لازم تكتب بياناتك كاملة و صح دا مهم جدا زي منطقة السكن ورقم الموبيل ( لازم تحط رقمك الشخصي مش شغل حالي مثلا) لان كتير بكلم ناس بيكون الرقم غلط او رقم شغل بس هو خلاص سابه ومنطقة السكن مهمة لان في شركات بتكون عايزه ناس ساكنه ف اماكن معينه و لازم تاريخ ميلادم
لان في وظايف بتشترط
Minimum or maximum age
وبتكتب حالتك الاجتماعيه
لو ولاد لازم تكتب موقفك من الجيش ايه
6_ حاليا لازم السي في يكون بالانجليزي ومينفعش يكون في اي غلطه ف الكتابه او Grammar لو مش قوي ف الانجليزي احسن تخلي حد يراجعلك عليه قبل متبعته لاي شركه دي نقطه مهمه جدا
7_ مش مستحب تعمل outlines او زي اطار للسي في ...اوال Forms اللي كلها اشكال هندسيه و قلوب و اسهم دي مش لطيفه خالص كل مكان Simple كان professional اكتر
8 _ لازم تكتب مهاراتك و تتكتب صح بدون تقليل او مبالغه عشان متحطش نفسك في موقف محرج او تضيع وقت الاتش ار برضه زي لازم تكتب مستواك ف ال English مظبوط وال computer Skills برضه لان اوظايف كتير بتكون طالبه مستوي معين منهم مينفعش يعملك انترفيو او Test وانت كانت انك Fluent in English وتطلع good مثلا !! ودا بقابله كتير
10- لو معاك رخصة سواقة إكتب ولو معاك عربية إكتب فيه شركات دلوقتي بقت بتحتاج إن المتقدمين يكون معاه رخصة سواقة.
11_ اخر حاجه لازم السي في بتاعك يكون متقسم ل sections و كل section هو القسم اللي هيندرج تحته معلومات معينة عنك الEducation مثلا وده ال Section اللي تحتيه هتكتب بيانات عن الكلية والتخصص وسنة التخرج.. و اي دبلومات او ماجستير ( الأحدث ثم الأقدم). ده الترتيب اللي متعارف عليه لمعظم الشركات:
طبعا في غلطات تانيه بس دي ابسط الحاجات السهله اللي ناخد بالنا منها لان في CVs لانها حقيقي بتفرق و الله ولي التوفيق.
شكرًا
اعمل CV احترافي باللغة الانكليزية والعربية و لو حضرتك بتدور علي شغل يبقي الحل انه يكون معاك CV متميز واحنا تحت امر حضرتك سيب كومنت باميلك وهنتواصل بيك
تعليقات
إرسال تعليق