អ្នកតំណាងអង្គការសុខភាពពិភពលោក (WHO) ប្រចាំនៅប្រទេសកម្ពុជាលោកស្រី Li Ailan បានសម្តែងការព្រួយបារម្ភចំពោះករណីឆ្លង និងស្លាប់ថ្មីកើនឡើង និងជំរុញឱ្យមានការចូលរួមពីសហគមន៍កាន់តែច្រើនដើម្បីលុបបំបាត់ការឆ្លងនេះ។
លោកស្រីបាននិយាយនៅលើបណ្តាញសង្គមថា “ស្ថានភាពជម្ងឺកូវីដ-១៩ នៅកម្ពុជាមិនធូរស្រាលទេ។ ខ្ញុំមានការព្រួយបារម្ភយ៉ាងខ្លាំងអំពីករណីឆ្លង និងការស្លាប់កើនឡើង” ។ ខ្ញុំដឹងថា ’ការរព្រួយបារម្ភ’ តែមួយមុខ វាមិនមែនជាដំណោះស្រាយទេ។ បើគ្មានវិធានការអន្តរាគមន៍មិនមែនឱសថសាស្ត្រ NPIs ឱ្យមានប្រសិទ្ធិភាពទេនោះ វាទំនងជាមិនប្រសើរឡើងទេ” ។
ប្រទេសកម្ពុជាបានកត់ត្រាករណីឆ្លងជិត ១,០០០ ករណីក្នុងមួយថ្ងៃ និងមានអ្នកស្លាប់ដោយសារវីរុសគួរឱ្យខ្លាចនេះក្នុងតួលេខ២ខ្ទង់។ នៅថ្ងៃសុក្រ ករណីស្លាប់បានរាយការណ៍ថា មានចំនួន ៨៨១ នាក់ និងករណីឆ្លងចំនួន ៥៩,៩៧៨ នាក់។
ការអត្ថាធិប្បាយរបស់តំណាងអង្គការសុខភាពពិភពលោកបានធ្វើឡើងនៅពេលដែលប្រទេសកម្ពុជាបានទទួលបន្ថែមនូវវ៉ាក់សាំងបង្ការជម្ងឺកូវីដ-១៩ ចិន ដែលមានឈ្មោះថា ស៊ីណូវ៉ាក់ និងស៊ីណូហ្វាម កាលពីថ្ងៃសៅរ៍ ខណៈករណីកូវីដ-១៩ សរុប នៅក្នុងប្រទេសអាស៊ីអាគ្នេយ៍មួយនេះឈានជិតដល់ចំនួន ៦០,០០០ ។
លោកស្រី យក់សម្បត្តិ រដ្ឋលេខាធិការក្រសួងសុខាភិបាលបានមានប្រសាសន៍ថា វ៉ាក់សាំងមកដល់ថ្មីរួមមានវ៉ាក់សាំងស៊ីណូវាក់ ដែលបានទិញពីក្រុមហ៊ុន biopharmaceutical firm Sinovac Biotech និងវ៉ាក់សាំងស៊ីណូហ្វាមបានបញ្ជាទិញពីក្រុមហ៊ុនឱសថស៊ីណូហ្វាម។
លោកស្រីបានប្រាប់អ្នកយកព័ត៌មាននៅអាកាសយានដ្ឋានអន្តរជាតិភ្នំពេញថា “ថ្ងៃនេះជាថ្ងៃពិសេស ពីព្រោះយើងបានទទួលវ៉ាក់សាំងបង្ការជម្ងឺកូវីដ-១៩ ក្នុងចំនួនយ៉ាងច្រើន” ។
លោកស្រីបាននិយាយថា រហូតមកដល់ពេលនេះព្រះរាជាណាចក្រកម្ពុជាបានទទួលវ៉ាក់សាំងបង្ការជាង ១៦ លានដូសពីប្រទេសចិន និងតាម COVAX របស់អង្គការសុខភាពពិភពលោក។
ប្រទេសកម្ពុជាបានចាប់ផ្តើមចាក់វ៉ាក់សាំងបង្ការជម្ងឺកូវីដ-១៩ កាលពីថ្ងៃទី ១០ ខែកុម្ភៈ។ រហូតមកដល់ពេលនេះប្រជាជនចំនួន ៤.៨៤ លាននាក់ ឬ ៤៨.៤៦% នៃប្រជាជនពេញវ័យចំនួន ១០ លាននាក់បានទទួលវ៉ាក់សាំងហើយ។