របាយការណ៍ពីអគ្គនាយកដ្ឋានកៅស៊ូកាលពីថ្ងៃពុធបានឱ្យដឹងថា កម្ពុជាបាននាំចេញកៅស៊ូស្ងួតចំនួន ១៣៩,២២០ តោននៅក្នុងឆមាសទីមួយនៃឆ្នាំ២០២៣ កើនឡើង ២.៧២ ភាគរយពីចំនួន ១៣៥,៥៣៧ តោនធៀបនឹងរយៈពេលដូចគ្នាកាលពីឆ្នាំមុន។
របាយការណ៍បានអោយដឹងទៀតថា កម្ពុជារកចំណូលបាន១៨៧ លានដុល្លារពីការនាំចេញកៅស៊ូក្នុងអំឡុងខែមករាដល់ខែមិថុនាឆ្នាំនេះ ធ្លាក់ចុះ ១៣.៥ ភាគរយពី ២១៦.៣ លានដុល្លារធៀបនឹងរយៈពេលដូចគ្នាកាលពីឆ្នាំមុន។
លោក ហ៊ឹម អូន អគ្គនាយកនៃអគ្គនាយកដ្ឋានកៅស៊ូបាននិយាយនៅក្នុងរបាយការណ៍ថា “កៅស៊ូស្ងួតមួយតោនមានតម្លៃជាមធ្យម ១,៣៤៤ ដុល្លារក្នុងឆមាសទី១ ឆ្នាំ២០២៣ ប្រហែល២៥២ ដុល្លារថោកជាងមុនបើធៀបនឹងរយៈពេលដូចគ្នាកាលពីឆ្នាំមុន” ។
កម្ពុជានាំចេញកៅស៊ូភាគច្រើនទៅកាន់ប្រទេសម៉ាឡេស៊ី វៀតណាម សិង្ហបុរី និងចិន។
របាយការណ៍បានឲ្យដឹងទៀតថា រហូតមកដល់ពេលនេះ កម្ពុជាបានដាំដើមកៅស៊ូលើផ្ទៃដីសរុប ៤០៤.៥៧៨ ហិកតា ដែលក្នុងនោះដើមកៅស៊ូលើផ្ទៃដី ៣១៥.៣៣២ ហិកតា ឬស្នើនឹង ៧៨ ភាគរយមានអាយុគ្រប់គ្រាន់សម្រាប់ជៀរយកជ័រ។ Xinhua