យោងតាមរបាយការណ៍ប្រសិទ្ធភាពថាមពលចុងក្រោយមួយបានឲ្យដឹងថា មានតែ ២,២ ភាគរយនៃថាមពលសរុបដែលផលិតក្នុងប្រទេសកម្ពុជាត្រូវបានប្រើប្រាស់ដោយរដ្ឋាភិបាល ។
របាយការណ៍បានសសេរថា៖ « ការផ្តល់សេវាសាធារណៈបានដើរតួនាទីយ៉ាងសំខាន់ក្នុងការបំពេញតម្រូវការរបស់ប្រជាពលរដ្ឋ។ តម្រូវការអគ្គិសនីសរុបនៅកម្ពុជា វាត្រូវបានគេប៉ាន់ប្រមាណថាប្រហែល ២,២ ភាគរយត្រូវបានប្រើប្រាស់ដោយផ្នែករដ្ឋាភិបាលដែលរួមទាំងការប្រើប្រាស់ថាមពលដោយភ្លើងតាមដងផ្លូវ និង ការបូមទឹកសំណល់ក្នុងទីក្រុង »។
របាយការណ៍បន្តថា៖ « ដើម្បីកាត់បន្ថយកំណើនតម្រូវការថាមពលក្នុងវិស័យនេះ ការអន្តរាគមន៍ប្រសិទ្ឋភាពថាមពលនៅក្នុងការបំភ្លឺភ្លើងតាមផ្លូវ និងការបូមទឹកកខ្វក់នឹងដើរតួនាទីសំខាន់ផងដែរ។ សម្រាប់ភ្លើងបំភ្លឺតាមផ្លូវ ឧបសគ្គសំខាន់ៗដើម្បីជម្រះចេញសម្រាប់ដំណើរការថាមពលដែលប្រសើរឡើងរួមមានការប្រើប្រាស់ចង្កៀងធម្មតា ការប្រើប្រាស់មានកម្រិត និងការប្រើប្រាស់ញឹកញាប់ និងការថែទាំជាដើម»។
របាយការណ៍បន្តថា៖ « ជាងនេះទៅទៀត សម្រាប់ការបូមទឹកកខ្វក់ ការប្រើម៉ាស៊ីនម៉ាស៊ូតដើម្បីដំណើរការម៉ាស៊ីនបូមទឹកសំណល់ត្រូវបានរកឃើញថានាំឱ្យមានប្រតិបត្តិការមិនមានប្រសិទ្ធភាពណាមួយ»។
លោកនាយករដ្ឋមន្រ្តីហ៊ុន សែន កាលពីពីរខែមុន មានប្រសាសន៍កម្ពុជាបានរក្សាតម្លៃអគ្គិសនីមិនផ្លាស់ប្តូរនៅឆ្នាំនេះ បើទោះបីជាតម្រូវការក្នុងស្រុកសម្រាប់អគ្គិសនីកើនឡើង។
លោកមានប្រសាសន៍ថា រដ្ឋាភិបាលចង់ជួយដល់ក្នុងអតិថិជនរួមទាំងក្នុងវិស័យកសិកម្ម ខណៈដែលប្រទេសជិតខាង តម្លៃបានកើនឡើងទៅកម្រិតមួយដែលខ្ពស់ជាងកម្ពុជា។
លោកមានប្រសាសន៍បន្ថែមថា តម្រូវការការប្រើប្រាស់អគ្គិសនីច្រើននៅក្នុងប្រទេស ។ លោកមានប្រសាសន៍ថា ពោលគឺកើនឡើង ជាង ២,២០០ មេហ្គាវ៉ាត់ពីប្រហែល ៣០ មេហ្គាវ៉ាត់ក្នុងទសវត្សរ៍ឆ្នាំ ១៩៩០ ខណៈដែលភ្នំពេញគ្រប់ដណ្តប់ជាង ១,០០០ មេហ្គាវ៉ាត់។
លោកនាយករដ្ឋមន្រ្តីបានចង្អុលបញ្ហាញថា តម្រូវការប្រើប្រាស់អគ្គិសនីនៅកម្ពុជា ពិសេសតាមផ្ទះ កសិកម្ម ទេសចរណួ និង ឧស្សាហកម្ម គឺត្រូវបានគេព្យាករណ៍ថានឹងកើនឡើងបន្ថែមទៀតដោយសារតែសេដ្ឋកិច្ចរបស់ខ្លួនត្រូវបានអភិវឌ្ឍយ៉ាងឆាប់រហ័សដែលតម្រូវឲ្យរដ្ឋាភិបាលផ្គត់ផ្គង់ការពង្រីកសមត្ថភាពនៃប្រភពផលិតថាមពល ជាពិសេសប្រភពដែលអាចកកើតឡើងវិញបាន។
លោកមានប្រសាសន៍បន្តថា៖ « គ្រប់គ្នាបានបង្កើនតម្លៃរបស់ពួកគេដូចជាប្រទេសជិតខាង ប៉ុន្តែយើងមិនទាន់ធ្វើចឹងបានទេ ។ ពីមុន តម្លៃរបស់យើងខ្ពស់ជាងគេ ប៉ុន្តែឥឡូវតម្លៃពួកគេបានខ្ពស់ជាង យើងត្រូវតែមានការអត់ធ្មត់ដើម្បីជួយប្រជាជនរបស់យើង»។ លោកមានប្រសាសន៍ថា តម្លៃអគ្គិសនីសម្រាប់ការបូមទឹកនៅក្នុងវិស័យកសិកម្មចាប់ពីម៉ោង ៩យប់ដល់ ម៉ោង ៧ព្រឹង ត្រូវនៅតម្លៃ ៤៨០ រៀលក្នុងមួយគីឡូវ៉ាត់ម៉ោង៕ ប្រែសម្រួលដោយ៖ សុ ជាតា