យោងតាមលោក ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានឱ្យដឹងថា ក្នុងរយៈពេល៤ខែដើមឆ្នាំនេះ គ្រោះថ្នាក់ចរាចរណ៍មានចំនួន១.០១១ករណី ថយចុះ១៣ភាគរយ បើធៀបនឹងរយៈពេលដូចគ្នាកាលពីឆ្នាំមុន។
ប្រភពដដែលបានចង្អុលបង្ហាញថា គ្រោះថ្នាក់ចរាចរណ៍បានឆក់យកជីវិតមនុស្សចំនួន៥០២ នាក់ ថយចុះ១៣ ភាគរយ និងរងរបួសចំនួន ១,៣៦៣ នាក់ ដោយថយចុះ២៦ភាគរយ បើធៀបនឹងឆ្នាំមុន។
ការបើកបរហួសល្បឿនកំណត់ ការមិនគោរពសិទ្ធិអាទិភាព ការបើកបរក្នុងស្ថានភាពស្រវឹង ការមិនពាក់មួកសុវត្ថិភាព ការជែង និងបត់ក្នុងស្ថានភាពគ្រោះថ្នាក់ គឺជាមូលហេតុចម្បងនៃគ្រោះថ្នាក់ចរាចរណ៍នៅកម្ពុជា។
អាជ្ញាធរមានសមត្ថកិច្ចបានដាស់តឿនម្ដងទៀតឲ្យសាធារណជនយកចិត្តទុកដាក់លើការគោរពច្បាប់ចរាចរណ៍។ AKP-Phal Sophanith